ព័ត៌មាន​អំពី​កម្ពុជា​មាន កិច្ចប្រជុំ​រដ្ឋមន្ត្រី​ការ​បរទេស​អាស៊ាន​ដែល​គ្រោង​ធ្វើ​នៅ​ខេត្ត​សៀមរាប ត្រូវ​លើក​ពេល ខណៈ​មាន​ភាព​ចម្រូង​ចម្រាស។ គណបក្ស​នយោបាយ និង​គ.ជ.ប. បន្ត​ខ្វែង​គំនិត​គ្នា​លើ​ការកែប្រែ​នីតិវិធី​សម្រាប់​ការបោះឆ្នោត​ឃុំសង្កាត់។ រដ្ឋមន្ត្រី​ចក្រភព​អង់គ្លេស​ប្រចាំ​តំបន់​អាស៊ី ពិភាក្សា​កិច្ចការ​សិទ្ធិ​មនុស្ស​ក្នុង​ពេល​បំពេញ​ទស្សនកិច្ច​នៅ​កម្ពុជា។ រីឯ​ព័ត៌មាន​អន្តរជាតិ​មាន សហរដ្ឋ​អាមេរិក​សន្យា​ធ្វើ​តេស្ត​រក​ជំងឺ​កូវីដ១៩ បន្ថែម​ទៀត​នៅ​តាម​សាលារៀន ដើម្បី​ឲ្យ​សាលារៀន​នៅ​បើក​ដំណើរការ។ ស្រីលង្កា​បដិសេធ​ថវិកា​សង្គ្រោះ​របស់​អង្គការ IMF និង​ងាក​ទៅ​ស្វែងរក​កម្ចី​ជាថ្មី​ពី​ចិន។ ថៃ មាន​គម្រោង​យក​ថ្លៃ​ទេសចរណ៍​ចាប់ពី​ខែ​មេសា​តទៅ។ ក្រសួង​ការងារ​សហរដ្ឋ​អាមេរិក​ថា តម្លៃ​ទំនិញ​ប្រើប្រាស់​នៅ​ក្នុង​ប្រទេស​កើន ៧% កាលពី​ឆ្នាំ​មុន។ ជន​រងគ្រោះ​ដោយសារ​ព្យុះ​ទីហ្វុង​រាប់​លាន​នាក់​នៅ​ហ្វីលីពីន ត្រូវការ​ជំនួយ​សង្គ្រោះ​បន្ទាន់៕