កម្មវិធីវិទ្យុ
ព័ត៌មានពេលព្រឹក៖ ៩ កុម្ភៈ ២០២១
ព័ត៌មានអំពីកម្ពុជាមានដូចជា ក្រោយជាប់ឃុំជាង៦០ម៉ោងនៅក្រចេះ សកម្មជនព្រៃឈើ៥នាក់ត្រូវបានដោះលែង។ ពលរដ្ឋនៅភ្នំពេញបង្ហាញមតិចម្រុះចំពោះវ៉ាក់សាំងចិន Sinopharm។ រីឯព័ត៌មានអន្តរជាតិវិញមានដូចជា គណបក្សប្រជាធិបតេយ្យនិងសាធារណរដ្ឋត្រៀមយុទ្ធសាស្រ្តសម្រាប់ការកាត់ទោសលោក Trump។ សមាជិកព្រឹទ្ធសភាអាមេរិកខាងគណបក្សសាធារណរដ្ឋគាំទ្រលោក Trumpខណៈពេលសវនាការកាត់ទោសរូបលោកជិតចូលមកដល់។ មនុស្សយ៉ាងហោចណាស់១៨នាក់ស្លាប់នៅក្នុងការធ្លាក់បាក់ផ្ទាំងទឹកកកដ៏ធំមួយក្នុងតំបន់ភ្នំហិមាល័យនៅឥណ្ឌា។ ប្រទេសអាហ្វ្រិកខាងត្បូងផ្អាកការចាក់វ៉ាក់សាំងបង្ការជំងឺកូវីដ១៩ ដែលផលិតដោយក្រុមហ៊ុនអង់គ្លេស AstraZeneca។ អ្នកជំនាញអង្គការសហប្រជាជាតិព្រួយបារម្ភចំពោះកំណើននៃសំណុំរឿងប្រមាថព្រះមហាក្សត្រថៃ។ មន្ត្រីស៊ូដង់ថា ការបង្ហូរទឹកបំពេញទំនប់វារីអគ្គិសនីនៅអេត្យូពីនៅខែកក្កដាខាងមុខ គំរាមកំហែងដល់សន្តិសុខជាតិរបស់ស៊ូដង់៕
ព័ត៌មានពេលរាត្រី៖ ៩ កុម្ភៈ ២០២១
ព័ត៌មានអំពីកម្ពុជាមានដូចជា រដ្ឋាភិបាលកម្ពុជាប្រាប់ប្រជាជនឲ្យទទួលយកវ៉ាក់សាំងចិន និងឈប់បារម្ភរឿង អង្គការសុខភាពពិភពលោក WHO ទទួលស្គាល់ឬអត់។ រដ្ឋាភិបាលកម្ពុជាលុបចោលបម្រាមនាំចូលត្រីពីវៀតណាម។ ក្រោយជាប់ឃុំជាង៦០ម៉ោងនៅក្រចេះ សកម្មជនព្រៃឈើ៥នាក់ត្រូវបានដោះលែងវិញ។ រីឯព័ត៌មានអន្តរជាតិវិញមានដូចជា បាតុកម្មប្រឆាំងរដ្ឋប្រហារយោធានៅទូទាំងប្រទេសមីយ៉ាន់ម៉ានៅបន្តធ្វើ ទោះមានការរឹតត្បិតក៏ដោយ។ ប្រធានាធិបតីអាមេរិកលោក Bidenនិងនាយករដ្ឋមន្ត្រីឥណ្ឌាលោក Modi តាំងចិត្តរួមគ្នាប្រយុទ្ធប្រឆាំងនឹងជំងឺកូវីដ១៩ និងការប្រែប្រួលអាកាសធាតុ។ សវនាការកាត់ទោសលោក Trump លើកទីពីរជាប្រវត្តិសាស្ត្រ ចាប់ផ្តើមនៅថ្ងៃអង្គារ។ តៃវ៉ាន់ជូនពរចិនក្នុងឆ្នាំថ្មី ក៏ប៉ុន្តែថានឹងមិនលំទោនតាមគំនាបរបស់ចិនទេ។ របាយការណ៍អង្គការសហប្រជាជាតិថា កូរ៉េខាងជើងអភិវឌ្ឍកម្មវិធីនុយក្លែអ៊ែរ និងមីស៊ីលនៅឆ្នាំ ២០២០។ វ៉ាក់សាំងបង្ការជំងឺកូវីដ១៩ ត្រូវបានចែកចាយមុនពេលមានភស្តុតាងបង្ហាញពីប្រសិទ្ធភាព និងព័ត៌មានអន្តរជាតិសំខាន់ៗមួយចំនួនទៀត៕
