កម្មវិធីវិទ្យុ
ព័ត៌មានពេលព្រឹក៖ ៩ ធ្នូ ២០២០
ព័ត៌មានអំពីកម្ពុជាមានដូចជា តុលាការភ្នំពេញសាកសួរបងស្រីរបស់សកម្មជនថៃដែលបាត់ខ្លួន ដោយអ្នកស្រីទទូចឲ្យស្វែងរកប្អូនប្រុស។ អង្គការសុខភាពពិភពលោកថា កម្ពុជាប្រហែលជាបានវ៉ាក់សាំងកូវីដ១៩ ដំបូងនៅខែមីនា។ ព័ត៌មានអន្តរជាតិវិញមានដូចជា ប្រទេសអង់គ្លេសចាប់ផ្តើមការចាក់វ៉ាក់សាំងបង្ការជំងឺកូវីដ១៩ ជាផ្លូវការ។ មេដឹកនាំបាតុកម្មថៃជាច្រើនរូបទៀតត្រូវបានចោទប្រកាន់ពីបទប្រមាថព្រះមហាក្សត្រ។ សកម្មជនគាំទ្រលទ្ធិប្រជាធិបតេយ្យ៨នាក់ក្នុងទីក្រុងហុងកុងត្រូវបានចាប់ខ្លួនដោយសារចូលរួមបាតុកម្មប្រឆាំងរដ្ឋាភិបាលកាលពីខែកក្កដា។ មេធាវីជនជាប់ចោទនិយាយថា អាជ្ញាធរប្រទេសអ៊ីរ៉ង់ បានបញ្ជូនសកម្មជនប្រព័ន្ធឌីជីថលទៅកាន់ពន្ធនាគារដោយខុសច្បាប់ ដើម្បីទទួលទោសដោយមិនបានចេញដីកាកោះហៅជាមុន។ ចិនថ្កោលទោសការដាក់ទណ្ឌកម្មថ្មីរបស់សហរដ្ឋអាមេរិកប្រឆាំងទីក្រុងហុងកុង និងការលក់អាវុធទៅឲ្យកោះតៃវ៉ាន់។ ការរាប់សន្លឹកឆ្នោតកំពុងប្រព្រឹត្តទៅក្នុងប្រទេសហា្កណា។ ពលរដ្ឋអូស្ត្រាលីត្រូវបានព្រមានពីទឹកជំនន់និងខ្យល់ព្យុះ ខណៈដែលរដូវក្តៅចូលមកដល់៕
ព័ត៌មានពេលរាត្រី៖ ៩ ធ្នូ ២០២០
ព័ត៌មានអំពីកម្ពុជាមានដូចជា មនុស្ស៥នាក់ត្រូវឃុំខ្លួន ក្រោយហេតុការណ៍ពុលស្រា«ស»នៅខេត្តកំពង់ឆ្នាំង។ ក្រុមអ្នកវិភាគរំពឹងថារដ្ឋបាលប្រធានាធិបតីថ្មីនៅអាមេរិកនឹងជួយជំរុញលទ្ធិប្រជាធិបតេយ្យនិងសិទ្ធិមនុស្សនៅកម្ពុជា។ មនុស្ស៤នាក់ទៀតឆ្លងជំងឺកូវីដ១៩ ក្នុងករណីឆ្លងក្នុងសហគមន៍នៅកម្ពុជា។ នៅក្នុងកម្មវិធី Hello VOA ពិសេស មានកិច្ចពិភាក្សាអំពី«ក្រោកឈរដើម្បីសិទ្ធិមនុស្ស៖ តើកម្ពុជានឹងដើរដល់ចំណុចណាក្នុងការការពារសិទ្ធិមនុស្សនៅឆ្នាំ២០២១»? ព័ត៌មានអន្តរជាតិវិញមានដូចជា លោក Biden នឹងតែងតាំងអ្នកស្រី Marcia Fudge ឲ្យធ្វើជារដ្ឋមន្ត្រីក្រសួងអភិវឌ្ឍន៍លំនៅដ្ឋាននិងទីក្រុង។ លោក Trump និងលោក Biden ប្ដេជ្ញាផ្ដល់វ៉ាក់សំាងដល់ពលរដ្ឋអាមេរិកាំងរាប់លាននាក់ឲ្យបានលឿន។ អ្នករំលោភសិទ្ធិមនុស្សនឹងប្រឈមនឹងការបង្កកទ្រព្យសម្បត្តិ និងការហាមឃាត់ការធ្វើដំណើរចូល ទឹកដីអឺរ៉ុប ក្រោមច្បាប់ Magnitsky Act ដែលអនុម័តដោយសហភាពអឺរ៉ុប។ កូរ៉េខាងជើងខឹងសម្បានឹងកូរ៉េខាងត្បូងដែលនិយាយអំពីវិធានការរបស់កូរ៉េខាងជើងចំពោះជំងឺកូវីដ១៩។ ការអំពាវនាវឲ្យប៉ូលិសទទួលខុសត្រូវមុខច្បាប់បានកើនឡើងនៅទីក្រុងហុងកុង។ របៀបវារៈរបស់លោក Biden សម្រាប់ស្ត្រី៕
