កម្មវិធីវិទ្យុ
ព័ត៌មានពេលព្រឹក៖ ៧ តុលា ២០២០
ព័ត៌មានអំពីកម្ពុជាមានដូចជា សេចក្តីព្រាងច្បាប់បទល្មើសបច្ចេកវិទ្យាព័ត៌មានដាក់បន្ទុកអ្នកផ្តល់សេវា ប៉ះពាល់ឯកជនភាព និងរឹតត្បិតសេរីភាពបញ្ចេញមតិ។ អង្គការក្រៅរដ្ឋាភិបាល៖ ការស្រង់ស្ថិតិបុគ្គលិកដោយអាជ្ញាធរមូលដ្ឋានជាការគំរាមកំហែង។ ព័ត៌មានអន្តរជាតិវិញមានដូចជា តុលាការកំពូលសហរដ្ឋអាមេរិកអនុញ្ញាតការដាក់កម្រិតលើការបោះឆ្នោតតាមប្រៃសណីយ៍ក្នុងរដ្ឋ South Carolina។ ពលរដ្ឋអាមេរិកាំងជិត ៤ លាននាក់បានបោះឆ្នោតរួចហើយ ដែលជាចំនួនមួយខ្ពស់មិនធ្លាប់មានពីមុនមក។ ប្រធានគណៈកម្មាធិការរដ្ឋសភាថា មន្ត្រីទីភ្នាក់ងារ USAGM បំពានដែនសមត្ថកិច្ចរបស់ខ្លួន។ ច្បាប់វិនិយោគថ្មីរបស់ប្រទេសឥណ្ឌូណេស៊ី បង្កកំហឹងដល់ក្រុមអ្នកការពារសិទ្ធិកម្មករ និងបរិស្ថាន។ អ្នករិះគន់ទាមទារឲ្យមានការឆ្លើយតបខ្លាំងក្លាជាងមុនពីអឺរ៉ុប ជុំវិញការដាក់ថ្នាំបំពុលលើអ្នកប្រឆាំងរដ្ឋាភិបាលរុស្ស៊ី៕
ព័ត៌មានពេលរាត្រី៖ ៧ តុលា ២០២០
ព័ត៌មានអំពីកម្ពុជាមានដូចជា សហរដ្ឋអាមេរិកខកចិត្តចំពោះការវាយចោលអគារនៅរាម ខណៈលោក ហ៊ុន សែន ថា កំពង់ផែយោធាមិនមែនសម្រាប់តែប្រទេសចិននោះទេ។ ការទន្ទ្រានដីរដ្ឋដ៏ចម្រូងចម្រាសនៅមណ្ឌលគិរី ពាក់ព័ន្ធតាំងពីមេឃុំដល់សមាជិកព្រឹទ្ធសភា។ កម្មករប្រមូលសំរាមនៅភ្នំពេញសម្រេចចូលធ្វើការវិញ ក្រោយមានដំណោះស្រាយ។ កម្មវិធី Podcast កម្ពុជាសម្លឹងទៅមុខ មានកិច្ចពិភាក្សាអំពី «សមាហរណកម្មសេដ្ឋកិច្ចកម្ពុជាក្នុងតំបន់ និងសកលលោក»។ ព័ត៌មានអន្តរជាតិវិញមានដូចជា លោក Trump គ្រោងនឹងចូលរួមការជជែកដេញដោលលើកទី២ ជាមួយលោក Biden ពេលលោកកំពុងព្យាបាលជំងឺកូវីដ១៩។ ការផ្ទុះឡើងនៃការឆ្លងជំងឺកូវីដ១៩ នៅក្នុងសេតវិមាន ធ្វើឲ្យមានការចាប់អារម្មណ៍លើបេក្ខជនអនុប្រធានាធិបតី។ មេដឹកនាំយោធាកំពូលៗរបស់សហរដ្ឋអាមេរិក កំពុងធ្វើចត្តាឡីស័ក បន្ទាប់ពីប្រាស្រ័យទាក់ទងអ្នកមានជំងឺកូវីដ១៩។ ការស្ទង់មតិបង្ហាញថា ទស្សន:អវិជ្ជមានលើប្រទេសចិនកើនឡើងក្នុងចំណោមប្រទេសដែលប្រកាន់លទ្ធិប្រជាធិបតេយ្យជឿនលឿន៕
