កម្មវិធីវិទ្យុ
ព័ត៌មានពេលព្រឹក
ព័ត៌មានសំខាន់ៗអំពីកម្ពុជាមានដូចជា អ្នកឃ្លាំមើលរំឭកគុណតម្លៃរបស់កាសែត The Cambodia Daily ៣ឆ្នាំក្រោយការបិទកាសែតនេះ។ រីឯព័ត៌មានអន្តរជាតិវិញមានដូចជា ក្រុមអ្នកបោះឆ្នោតអាមេរិកាំងពិចារណាអំពីការគ្រប់គ្រងកាំភ្លើង នៅពេលមានការបាញ់កាំភ្លើងនិងមានបាតុកម្មជាច្រើន។ ការបង្ក្រាបនៅហុងកុងជះផលប៉ះពាល់ដល់សមិទ្ធផលការទូតរបស់តៃវ៉ាន់។ ទំនាក់ទំនងអូស្ត្រាលីជាមួយចិនអន់ថយ ពេលដែលរដ្ឋាភិបាលក្រុងប៉េកាំងស៊ើបអង្កេតការនាំចូលស្រាពីអូស្ត្រាលី៕
ព័ត៌មានពេលរាត្រី
ព័ត៌មានសំខាន់ៗអំពីកម្ពុជាមានដូចជា សកម្មជនខ្មែរនៅទីក្រុងឡុងប៊ិចចាប់ផ្តើមយុទ្ធនាការផ្សព្វផ្សាយការបោះឆ្នោត ខណៈជំងឺរាតត្បាតកូវីដ ១៩ នៅបន្តឆ្លង។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី៣ ជាមួយវាគ្មិនរបស់យើងគឺកញ្ញា យូ សុធារី អំពីប្រព័ន្ធគាំពារសង្គមរបស់កម្ពុជា។ រីឯព័ត៌មានអន្តរជាតិវិញមានដូចជា លោក Trump ប្រឈមនឹងការពិបាកជាច្រើននៅពេលបោះឆ្នោត ដោយសារវិធីដោះស្រាយបញ្ហាជំងឺកូវីដ ១៩ របស់លោក។ ក្រុងចិន ឬ Chinatown នៅទីក្រុងញូវយ៉កសហរដ្ឋអាមេរិក ចាប់ផ្តើមបើកដំណើរការឡើងវិញ៕
