កម្មវិធីវិទ្យុ

ព័ត៌មានសំខាន់ៗអំពីកម្ពុជា សហរដ្ឋអាមេរិក និងតំបន់អាស៊ី មានដូចជា៖ អង្គការសិទ្ធិមនុស្ស Human Rights Watch ជំរុញឲ្យកម្ពុជាស៊ើបអង្កេតលើករណីបាត់ខ្លួនរបស់សកម្មជនថៃម្នាក់ឈ្មោះ Wanchalearm Satsaksit។ បណ្តាប្រទេសនៅតំបន់អាស៊ីអាគ្នេយ៍ព្យាយាមជួយគ្នា ដោយបរិច្ចាគសម្ភារៈវេជ្ជសាស្ត្រ ក្នុងគ្រាវិបត្តិសុខភាពកូវីដ១៩។ មេបញ្ជាការអាមេរិកចោទចិនថា ឆ្លៀតធ្វើការទាមទារកាន់កាប់នៅតំបន់ជម្លោះសមុទ្រចិនខាងត្បូង។ ព័ត៌មានអន្តរជាតិផ្សេងៗទៀត មានដូចជា៖ អត្រាអត់ការងារនៅសហរដ្ឋអាមេរិកប្រចាំខែឧសភា ធ្លាក់ចុះមកត្រឹម១៣,៣%។ ការសម្រេចអំពីដំណើរពិគ្រោះយោបល់ជាមុនពីគម្រោងទំនប់ហ្លួងប្រាបាង្គរបស់ឡាវ ត្រូវបានលើកពេល។ ក្រុមតាលីបង់វាយឆ្មក់ និងសម្លាប់ទាហានអាហ្វហ្គានិស្ថានចំនួន១៥នាក់៕

ព័ត៌មានសំខាន់ៗអំពីកម្ពុជា អាមេរិក អាស៊ី និងពិភពលោក មានដូចជា៖ ក្រោយស្ងប់រលកនៃការហូរចូលការវិនិយោគចិន ក្រុងកំពង់ផែព្រះសីហនុផ្សងវាសនាថ្មី ខណៈកម្ពុជាបិទល្បែងស៊ីសងអនឡាយ និងវិបត្តិសុខភាពកូវីដ១៩។ សហគមន៍ជនជាតិភាគតិចអ៊ុយហ្គ័រ (Uighur) នៅសហរដ្ឋអាមេរិក អះអាងថា ចិនឲ្យក្រុមគ្រួសាររបស់ពួកគេដែលជាប់ឃុំនៅប្រទេសចិន ធ្វើបទសម្ភាសន៍ដោយបង្ខំ។ រោគរាតត្បាតកូវីដ១៩ បង្កជាភាពស្មុគស្មាញដល់ការប្រកួតប្រជែងក្នុងដំណើរការបោះឆ្នោតព្រឹទ្ធសភាអាមេរិកសម្រាប់អាណត្តិថ្មី។ នៅឥណ្ឌា ការធ្វើការងារពីផ្ទះ អាចកើតមានឡើងនាពេលអនាគត ប៉ុន្តែអ្នកខ្លះមិនយល់ស្របនឹងការធ្វើការពីផ្ទះ។ ក្រុមអ្នកស្រាវជ្រាវកេនយ៉ា ធ្វើការពិសោធន៍ផលិតឱសថបុរាណសម្រាប់ព្យាបាលជំងឺកូវីដ១៩៕