កម្មវិធីវិទ្យុ
ព័ត៌មានពេលព្រឹក៖ ៦ តុលា ២០២០
ព័ត៌មានអំពីកម្ពុជាមានដូចជា អ្នកវិភាគ៖ ការវាយកម្ទេចអគារកងទ័ពជើងទឹកជួសជុលដោយអាមេរិក បង្កើនមន្ទិលកម្ពុជាកាន់តែរំកិលទៅរកចិន។ ក្រសួងការពារជាតិអាមេរិកសុំឲ្យកម្ពុជាពន្យល់អំពីការកម្ទេចអគារជំនួយសហរដ្ឋអាមេរិកនៅមូលដ្ឋានរាម។ តុលាការកាត់ទោសចាងហ្វាងសារព័ត៌មាន TVFB រឿងបង្ហោះសម្តីរបស់លោកហ៊ុន សែន តែព្យួរទោស។ ស្ថាប័នបោះឆ្នោតគ.ជ.ប.អំពាវនាវឲ្យពលរដ្ឋចុះឈ្មោះបោះឆ្នោត និងពិនិត្យបញ្ជីឈ្មោះ។ ព័ត៌មានអន្តរជាតិវិញមានដូចជា តើការប្រយុទ្ធនឹងជំងឺកូវីដ១៩ របស់លោក Trump អាចធ្វើឲ្យប្រែប្រួលដល់យុទ្ធនាការឃោសនាបោះឆ្នោតរបស់លោកទេ? រដ្ឋបាលលោក Trump មានសុទិដ្ឋិនិយមថា លោកប្រធានាធិបតីនឹងអាចចេញពីមន្ទីរពេទ្យនៅថ្ងៃចន្ទនេះ។ អ្នកនាំពាក្យសេតវិមានធ្វើតេស្តឃើញមានជំងឺកូវីដ១៩។ មន្ត្រីក្នុងរដ្ឋNew Jersey កំពុងទាក់ទងរកអ្នកចូលរួមក្នុងកម្មវិធីរៃអង្គាសប្រាក់របស់លោក Trump កាលពីសប្តាហ៍មុន។ យុទ្ធនាការរកសំឡេងឆ្នោតរបស់លោក Biden ផ្តោតទៅលើការឆ្លើយតបនឹងជំងឺកូវីដ១៩។ ពលរដ្ឋអាមេរិកាំង២នាក់ និងអង់គ្លេសម្នាក់ ទទួលពានរង្វាន់ណូបែលវេជ្ជសាស្ត្រ ឆ្នាំ២០២០។ ភ្លើងឆេះព្រៃក្នុងរដ្ឋCalifornia បំបែកកំណត់ត្រា ដោយបានបំផ្លាញព្រៃឈើជាង ១,៦លានហិកតា។ ការរំលោភបំពានផ្សេងៗនៅមុនការបោះឆ្នោតជាតិនៅមីយ៉ាន់ម៉ា៕
ព័ត៌មានពេលរាត្រី៖ ៦ កញ្ញា ២០២០
ព័ត៌មានអំពីកម្ពុជាមានដូចជា សេចក្តីព្រាងច្បាប់បទល្មើសបច្ចេកវិទ្យាព័ត៌មានដាក់បន្ទុកអ្នកផ្តល់សេវា ប៉ះពាល់ឯកជនភាព និងរឹតត្បិតសេរីភាពបញ្ចេញមតិ។ អង្គការក្រៅរដ្ឋាភិបាល៖ ការស្រង់ស្ថិតិបុគ្គលិកដោយអាជ្ញាធរមូលដ្ឋានជាការគំរាមកំហែង។ សហរដ្ឋអាមេរិកនិងជប៉ុនចាំបាច់ត្រូវតែចូលរួមថែមទៀតដើម្បីទប់ទល់ឥទ្ធិពលចិនកាន់តែខ្លាំងឡើងនៅអាស៊ីអាគ្នេយ៍រួមទាំងកម្ពុជា។ ពលរដ្ឋខ្មែរអាមេរិកាំងថា លោក Trump ទំនងជាធូរស្រាលពីជំងឺកូវីដ១៩ឆាប់ៗ។ ព័ត៌មានអន្តរជាតិវិញមានដូចជា មានការរំពឹងខ្ពស់សម្រាប់ការជជែកដេញដោលរបស់បេក្ខជនអនុប្រធានាធិបតីសហរដ្ឋអាមេរិក។ បន្ទាប់ពីសម្រាកព្យាបាលជំងឺកូវីដ១៩ នៅមន្ទីរពេទ្យបាន ៧២ ម៉ោង លោកTrump ត្រឡប់ទៅកាន់សេតវិមានវិញ។ អង្គការសុខភាពពិភពលោកថា ១០% នៃប្រជាជនសរុបក្នុងពិភពលោកអាចបានឆ្លងជំងឺកូវីដ១៩។ លោក Pompeo រិះគន់ «ទង្វើទុច្ចរិត» របស់ចិន ក្នុងជំនួបជាមួយសម្ព័ន្ធមិត្តអាស៊ី។ មជ្ឈមណ្ឌលបង្ការជំងឺ CDC ថា ជំងឺកូវីដ១៩ អាចឆ្លងតាមវីរុសដែលមានក្នុងខ្យល់។ មេដឹកនាំបរទេសជំរុញឲ្យមានការបញ្ឈប់ការប្រយុទ្ធគ្នាក្នុងតំបន់ Nagorno-Karabakh។ ការរំលោភបំពានផ្សេងៗកើតឡើងនៅមុនការបោះឆ្នោតជាតិនៅមីយ៉ាន់ម៉ា៕
