កម្មវិធីវិទ្យុ
ព័ត៌មានពេលព្រឹក៖ ៥ តុលា ២០២១
ព័ត៌មានអំពីកម្ពុជាមាន រដ្ឋមន្ត្រីក្រសួងមហាផ្ទៃប្តេជ្ញាថានឹងបង្កើនចំណេះដឹងពាក់ព័ន្ធការផ្ទេរអំណាចថ្នាក់ក្រោមជាតិដល់ពលរដ្ឋ។ សហជីពជិត២០ ស្នើឲ្យអ្នកបញ្ជាទិញអន្តរាគមន៍រឿងដំឡើងប្រាក់ឈ្នួល២១៤ដុល្លារដល់កម្មកររោងចក្រកាត់ដេរ។ រីឯព័ត៌មានអន្តរជាតិវិញមានដូចជា ប្រធានាធិបតីកេនយ៉ា ជាមេដឹកនាំម្នាក់នៃបណ្តាមេដឹកនាំពិភពលោកដែលមានប្រាក់រាប់លានដុល្លារនៅក្នុងគណនីសម្ងាត់នៅក្រៅប្រទេស។ មនុស្ស៨នាក់ បានត្រូវសម្លាប់នៅភាគខាងជើងប្រទេសឥណ្ឌាក្នុងអំឡុងការតវ៉ារបស់កសិករដែលធ្វើឲ្យការតានតឹងកើនឡើង។ មេធាវីលោកស្រី Aung San Suu Kyi ថា លោកស្រីនឿយហត់ហើយសុំកាត់បន្ថយសវនាការនៅតុលាការដោយសារបញ្ហាសុខភាព។ ការខ្វះកិច្ចសហប្រតិបត្តិការរបស់មីយ៉ាន់ម៉ា ធ្វើឲ្យមានការលំបាកដើម្បីមានមេដឹកនាំយោធានៅសន្និសីទកំពូលអាស៊ាន និងព័ត៌មានមួយចំនួនទៀត៕
ព័ត៌មានពេលរាត្រី៖ ៥ តុលា ២០២១
ព័ត៌មានអំពីកម្ពុជាមានដូចជា អ្នកជំនាញស្នើឲ្យពលរដ្ឋបន្តការពារខ្លួនពីជំងឺកូវីដ១៩ ខណៈករណីឆ្លងត្រូវរាយការណ៍ថា ថយចុះខ្លាំង។ អង្គការអ្នកកាសែតគ្មានព្រំដែន ថ្កោលទោសការដាក់ពន្ធនាគារអ្នកកាសែតប្រចាំខេត្តកោះកុង។ សង្គមស៊ីវិល និងកម្មករ ស្នើឲ្យរដ្ឋាភិបាលអន្តរាគមន៍ ថ្លៃទឹកដែលមានកម្រិតទាប ខ្ពស់តាមផ្ទះជួល។ រីឯព័ត៌មានអន្តរជាតិវិញមានដូចជា លោក Blinken នៅក្នុងប្រទេសបារាំងដើម្បីស្ដារឡើងវិញសម្ព័ន្ធភាពឆ្លងមហាសមុទ្រអាត្លង់ទិក។ លោក Biden រិះគន់គណបក្សសាធារណរដ្ឋចំពោះការជាប់គាំងកំហិតបំណុលរបស់អាមេរិក។ សហរដ្ឋអាមេរិក គ្រោងពិភាក្សាដោយ«ចំហ»ជាមួយចិនអំពីពាណិជ្ជកម្ម។ កោះតៃវ៉ាន់ថា ចិនបានបញ្ជូនយន្តហោះចម្បាំងជាច្រើនគ្រឿងចូលដែនការពារអាកាសរបស់ខ្លួន។ និយតករសហភាពអឺរ៉ុបនិយាយថា ការចាក់ដូសជំរុញអាចពិចារណាចាក់ឱ្យមនុស្សពេញវ័យទាំងអស់។ វ៉ាក់សាំងកូវីដ១៩ការទូតរបស់ចិន បានទៅដល់ប្រទេសជាង ១០០ និងព័ត៌មានមួយចំនួនទៀត៕
