កម្មវិធីវិទ្យុ
ព័ត៌មានពេលព្រឹក៖ ៣ មេសា ២០២១
ព័ត៌មានសំខាន់ៗអំពីកម្ពុជាមានដូចជា ទណ្ឌិតជាង ៥០០ នាក់ ត្រូវស្នើសុំឲ្យបន្ធូរបន្ថយនិងលើកលែងទោស នៅពេលចូលឆ្នាំខ្មែរខាងមុខ។ របាយការណ៍ថា កម្ពុជាបាត់បង់គម្របព្រៃឈើកន្លះលានហិកតាក្នុងរយៈពេល ១០ ឆ្នាំ។ រីឯព័ត៌មានអន្តរជាតិវិញមានដូចជា ប្រមុខការពារជាតិប្រទេសចំនួន១២ ថ្កោលទោសយ៉ាងខ្លាំងទៅលើប្រទេសមីយ៉ាន់ម៉ា ក្នុងការបង្ក្រាបក្រុមអ្នកប្រឆាំងតវ៉ា។ កិច្ចពិភាក្សាថ្មីស្តីពីកិច្ចព្រមព្រៀងនុយក្លេអ៊ែរអុីរ៉ង់ ធ្វើនៅសប្តាហ៍ក្រោយនៅទីក្រុងវីយែន។ ក្រុមគ្រូពេទ្យជំនួយដែលទៅសង្គ្រោះលោក Floyd ថា លោកគ្មានជីពចរ។ ប្រទេសឥណ្ឌាមានករណីជំងឺកូវីដថ្មីប្រចាំថ្ងៃជាង៨ម៉ឺន។ ប្រទេស G-7អំពាវនាវឲ្យរួតរះដកកងទ័ពអេរីត្រេចេញពីតំបន់ Tigray។ អត្រាការងារធ្វើនៅសហរដ្ឋអាមេរិកកើនដល់ ៩១៦.០០០នាក់ ក្នុងខែមីនា។ ជំងឺកូវីដធ្វើឲ្យអ្នកធ្វើនាវាចរសមុទ្រ ១០ម៉ឺននាក់ ជាប់គាំងនៅលើនាវា។ អ្នកវិទ្យាសាស្ត្រជប៉ុនដែលបានរង្វាន់ណូបែលចំពោះស្នាដៃបង្កើតអំពូល LED បានស្លាប់៕
ព័ត៌មានពេលរាត្រី៖ ៣ មេសា ២០២១
ព័ត៌មានសំខាន់ៗអំពីកម្ពុជាមានដូចជា រដ្ឋអាជ្ញាតុលាការព្រហ្មទណ្ឌអន្តរជាតិសន្យាពិនិត្យសំណុំរឿងកម្ពុជា មុនដំណាច់ខែមិថុនា។ យុទ្ធនាការបញ្ចប់និទណ្ឌភាពនៅកម្ពុជាដំណើរការទៅមុខ ទោះជួបឧបសគ្គខ្លះ។ វត្តអារាមទូងស្គរនិងគង ដើម្បីដាស់តឿនអំពីជំងឺកូវីដ១៩។ រីឯព័ត៌មានអន្តរជាតិវិញមានដូចជា អ្នកវិទ្យាសាស្ត្រយល់ថា ការតាមរកប្រភពវីរុសជំងឺកូវីដ១៩ គួរបញ្ចូលតំបន់អាស៊ីអាគ្នេយ៍ផងដែរ។ រដ្ឋាភិបាលចិនវាយប្រហារក្រុមហ៊ុនម៉ាកផលិតផលសម្លៀកបំពាក់ និងស្បែកជើង ពាក់ព័ន្ធនឹងបញ្ហាតំបន់ Xinjiang។ សភាសហរដ្ឋអាមេរិកពិនិត្យឡើងវិញលើអំណាចធ្វើសង្គ្រាមរបស់ប្រធានាធិបតី៕
