កម្មវិធីវិទ្យុ

ព័ត៌មាន​អំពី​កម្ពុជាមាន​ លោក ​ហ៊ុន​ សែន ​ស្នើ​​ឲ្យ​មានការ​បណ្តុះ​យុវជន​ជំនាន់​ថ្មី​ ដើម្បី​ត្រៀមស្តារវិស័យ​​ទេសចរណ៍​ឡើង​វិញ។ ធនាគារ​ពិភពលោក៖ កំណើន​សេដ្ឋកិច្ច​កម្ពុជា​ ត្រូវ​បាន​ព្យាករ​ថា ​នឹង​កើន​ត្រឹម​២,២ភាគរយ​សម្រាប់​ឆ្នាំ២០២១។ រីឯព័ត៌មានអន្តរជាតិមាន តុលាការ​រវ៉ាន់ដា​ផ្តន្ទាទោស​បុរស​ដែល​គេ​ចាត់ទុក​ថា​ជា​វីរជន «សណ្ឋាគារ​រវ៉ាន់ដា» ពី​បទ​ភេរវកម្ម៕

ព័ត៌មាន​អំពី​កម្ពុជាមាន បទសម្ភាសន៍​ភាគទី២​នៃ​ដែល​ជា​ភាគ​បញ្ចប់​នៃ​បទសម្ភាសន៍​​ជាមួយ​លោក ឆាំង យុ នាយក​​ប្រតិបត្តិ​​មជ្ឈ​មណ្ឌល​ឯកសារ​​កម្ពុជា​អំពី​គម្រោង​ឧបត្ថម្ភ​ដោយ​ទីភ្នាក់ងារ​ជំនួយអា​មេរិក (USAID)​ ដើម្បី​ធ្វើ​ឲ្យ​ប្រសើរ​ឡើង​នូវ​ស្ថានភាព​សុខភាព​របស់​អ្នក​រស់​រាន​មាន​ជីវិត​ពី​របប​ខ្មែរក្រហម។ បទសម្ភាសន៍​របស់​វីអូអេ​ជា​មួយ​លោក​បណ្ឌិត Robin Ramchanran នាយក​ប្រតិបត្តិ​នៃ​អង្គការ Asia Centre អំពី​របាយការណ៍​ថ្មី​មួយ​ស្តីពី​ការ​រឹតត្បិត​សេរីភាព​នៃ​អនុក្រឹត្យ​ស្តី​ពី​ការ​បង្កើត​ច្រក​ទ្វារ​អ៊ីនធឺណិត​ជាតិ។ សម្រង់​សង្ខេប​ពី​កម្មវិធី Hello VOA អំពី​«បញ្ហា​សិទ្ធិ​ជនជាតិ​ដើម​ខ្មែរកម្ពុជា​ក្រោម ត្រូវ​រំលោភ​បំពាន​នាំឲ្យ​មាន​អន្តរាគមន៍​ពីក្រុម​មន្ត្រី​អ.ស.ប.»។ រីឯ​ព័ត៌មាន​អន្តរជាតិ​មាន ចិន​សម្ពោធ​គម្រោង​ផ្លូវដែក ដែល​ជា​ផ្លូវ​ពាណិជ្ជកម្ម​​ឆ្ពោះ​ទៅ​កាន់​មហា​សមុទ្រ​ឥណ្ឌា​​ឆ្លងកាត់​តាម​មីយ៉ាន់ម៉ា។ ម្ចាស់​សត្វ​លា​និង​ក្រុម​តស៊ូ​មតិ​កេនយ៉ា​ទាមទារ​ឱ្យ​ហាម​ឃាត់​ជា​អចិន្ត្រៃយ៍​លើ​ការ​សម្លាប់​សត្វលា៕