កម្មវិធីវិទ្យុ
ព័ត៌មានពេលព្រឹក៖ ២៨ កក្កដា ២០២១
ព័ត៌មានអំពីកម្ពុជាមានដូចជា តុលាការចោទសួរប្រភពថវិកានិងរចនាសម្ព័ន្ធរបស់ក្រុមយុវជនខ្មែរថាវរៈ ក្នុងសំណុំរឿងតវ៉ាឲ្យដោះលែងលោក រ៉ុង ឈុន។ មន្រ្តីថា ទឹកទន្លេមេគង្គកម្ពុជាហក់ឡើងខ្លាំង ខណៈភ្លៀងធ្លាក់ច្រើននៅផ្នែកខាងលើ។ រីឯព័ត៌មានអន្តរជាតិវិញមានដូចជា លោកប្រធានាធិបតី Biden ថា កងកម្លាំងសហរដ្ឋអាមេរិកនៅអ៊ីរ៉ាក់នឹងបន្ដនៅទីនោះ តែត្រូវប្ដូរតួនាទី។ រដ្ឋមន្ត្រីការពារប្រទេសអាមេរិកនិយាយពីការតាំងចិត្តធ្វើឲ្យមានទំនាក់ទំនងជាមួយចិនប្រកបដោយស្ថិរភាពនិងផ្លែផ្កា។ មនុស្សដំបូងត្រូវបានរកឃើញថាមានទោសក្រោមច្បាប់សន្តិសុខជាតិហុងកុង។ លោកប្រធានាធិបតី Biden ស្ដារគំនិតផ្ដួចផ្ដើមធុរកិច្ចនៅអាហ្វ្រិករបស់អតីតប្រធានាធិបតីលោក Trump និងសម្លឹងមើលគម្រោងឌីជីថលនាពេលអនាគត។ សហភាពអឺរ៉ុបជំរុញឲ្យបន្តសភាទុយណេស៊ី៕
ព័ត៌មានពេលរាត្រី៖ ២៨ កក្កដា ២០២១
ព័ត៌មានអំពីកម្ពុជាមានដូចជា មេឃុំនិរាករណ៍លិខិតស្នាមបញ្ជាក់ប្លង់ដីក្នុងតំបន់អភិរក្សជាបន្តបន្ទាប់ នាំឲ្យមានការរិះគន់ពីការ«ខ្វះការទទួលខុសត្រូវ»។ អភិបាលខេត្តកំពង់ស្ពឺថា អាជ្ញាធរដុតបំផ្លាញសាច់ក្របីមកពីឥណ្ឌាដែលរកឃើញមានវីរុសកូរ៉ូណា ទោះមានការតវ៉ាពីស្ថានទូតឥណ្ឌា។ វ៉ាក់សាំង Johnson&Johnson ជំនួយអាមេរិកនឹងត្រូវបញ្ជូនមកកម្ពុជានាថ្ងៃសុក្រសប្តាហ៍នេះ។ ខ្សែភាពយន្តខ្មែរបែបប្រឌិតវិទ្យាសាស្ត្រ «Karmalink» នឹងចាក់បញ្ចាំងក្នុងពិធីបើកកម្មវិធីវាយតម្លៃភាពយន្តអន្តរជាតិក្រុង Venice។ រីឯព័ត៌មានអន្តរជាតិវិញមានដូចជា លោក Biden ថា រុស្ស៊ីបានជ្រៀតជ្រែកការបោះឆ្នោតរបស់អាមេរិកឆ្នាំ២០២២។ សហរដ្ឋអាមេរិកបារម្ភអំពីកំណើននុយក្លេអ៊ែរបន្ទាប់ពីមានរបាយការណ៍ថ្មីអំពីធុងនុយក្លេអ៊ែរថ្មីរបស់ចិន។ សេតវិមានពិចារណាកំណត់ឲ្យបុគ្គលិកសហព័ន្ធចាក់វ៉ាក់សាំង។ កីឡាការិនីអាមេរិកឈ្នះមេដាយមាសសម្រាប់ក្បាច់ហែលទឹកសេរីនៅអូឡាំពិក។ កីឡាកាយសម្ព័ន្ធអាមេរិកនាង Simone Biles ដកខ្លួនពីការប្រកួតកីឡាអូឡាំពិកនៅទីក្រុងតូក្យូ៕
