កម្មវិធីវិទ្យុ
ព័ត៌មានពេលព្រឹក៖ ២៨ ឧសភា ២០២១
ព័ត៌មានសំខាន់ៗអំពីកម្ពុជាមានដូចជា ពលរដ្ឋកម្ពុជារើសយកចិនច្រើនជាងអាមេរិក ក្នុងការស្ទង់មតិ ពីពលរដ្ឋ១ពាន់នាក់នៅ ៥ខេត្តរាជធានី។ សហជីពថា ការផ្ទុះឆ្លងកូវីដតាមរោងចក្រ គំរាមការបញ្ជាទិញនិងឧស្សាហកម្មកាត់ដេរ។ រីឯព័ត៌មានអន្តរជាតិវិញមានដូចជា អឺរ៉ុបកំពុងងើបចេញពីវិបត្តិជំងឺកូវីដ១៩។ អ្នកវិភាគលើកឡើងថា វៀតណាមកំពុងពង្រីកកងឈ្លបនេសាទរបស់ខ្លួននៅសមុទ្រចិនខាងត្បូង។ អតីតនាយកអង្គការអូតង់ អំពាវនាវឲ្យមានសម្ព័ន្ធភាពរួមមួយប្រឆាំងនឹងការឈ្លានពានពាណិជ្ជកម្មពីចិន៕
ព័ត៌មានពេលរាត្រី៖ ២៨ ឧសភា ២០២១
ព័ត៌មានសំខាន់ៗអំពីកម្ពុជាមានដូចជា កម្ពុជារកឃើញជំងឺកូវីដ១៩ ជាងបួនពាន់ករណីទៀតក្នុងមួយសប្ដាហ៍នៃការឆ្លងហក់ឡើងវិញ។ គ្រូបង្រៀនម្នាក់លាក់ខ្លួន ក្រោយត្រូវកាត់ទោសរឿងរិះគន់សំណង់ស្ដូបវៀតណាមនៅប៉ៃលិន។ នៅភ្នំពេញ សំណុំរឿងស្មុគ្រស្មាញត្រៀបត្រាចាំដំណើរមន្ត្រីរដ្ឋការលោក Biden។ រីឯព័ត៌មានអន្តរជាតិវិញមានដូចជា សហរដ្ឋអាមេរិកនឹងបង្ហាញការស៊ើបអង្កេតពីប្រភពជំងឺកូវីដ១៩ ជាសាធារណ:។ ហ្វេសប៊ុកនឹងលែងលុបចេញនូវការបង្ហោះណា ដែលថាជំងឺកូវីដ១៩ បង្កើតឡើងដោយមនុស្សទៀតហើយ ។ អង្គការសហប្រជាជាតិស្នើឲ្យអាជ្ញាធរកម្ពុជាបញ្ចេញទិន្នន័យជំងឺកូវីដក្នុងពន្ធនាគារ។ សេដ្ឋីហុងកុងជាប់ពន្ធនាគារ ១៤ខែ ដោយសារបាតុកម្មឆ្នាំ ២០១៩។ អាល្លឺម៉ង់ថា ខ្លួនបានប្រព្រឹត្តអំពើប្រល័យពូជសាសន៍ក្នុងប្រទេសណាមីប៊ី ក្នុងអំឡុងពេលអាណានិគម។ សហរដ្ឋអាមេរិកប្រកាសបង្កើនជំនួយសម្រាប់ជាតិសាសន៍រ៉ូហ៊ីងយ៉ា និងព័ត៌មានផ្សេងៗទៀត៕
