កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចតទៅ៖ អង្គការសុខភាពពិភពលោក (WHO) បានជំរុញឲ្យកម្ពុជារឹតបន្តឹងវិធានការនៅតាមច្រកចូលប្រទេសឲ្យបានហ្មត់ចត់ ដើម្បីបញ្ចៀសការនាំចូលជំងឺកូវីដ១៩។ បញ្ហាចម្រូងចម្រាសរវាងក្រុមហ៊ុនវៀតណាមហ័ងអាញ់ យ៉ាឡាយ(HAGL)និងសហគមន៍ជនជាតិដើមភាគតិចក្នុងស្រុកអណ្តូងមាស ខេត្តរតនគិរី នៅតែមិនទាន់ដោះស្រាយចេញ។ ទូតខ្មែរនៅថៃអំពាវនាវឲ្យពលករខ្មែរអនុវត្តវិធានការបង្ការជំងឺកូវីដ១៩ ក្នុងពេលថៃពន្យារពេលគ្រាអាសន្ន១ខែទៀត។ រដ្ឋាភិបាលកម្ពុជាគ្រោងអនុវត្តកម្មវិធីជំនួយសង្គមក្នុងពេលវិបត្តិកូវីដ១៩ ចាប់ពីខែមិថុនា ដែលផ្ដោតលើគ្រួសារក្រីក្រ និងក្រុមជនងាយរងគ្រោះ«ដែលមានបណ្ណសមធម៌»ទូទាំងប្រទេស។ ព័ត៌មានអន្តរជាតិមានដូចតទៅ៖ អង្គការសុខភាពពិភពលោក WHO សម្រេចផ្អាកប្រើថ្នាំគ្រុនចាញ់ hydroxychloroquine ក្នុងការសាកល្បងព្យាបាលជំងឺកូវីដ១៩ ដោយសារការសិក្សាថ្មីមួយរកឃើញថា អ្នកជំងឺកូវីដ១៩ដែលបានប្រើថ្នាំនេះមានអត្រាស្លាប់ខ្ពស់ជាងអ្នកមិនប្រើ។ លោក ត្រាំ ចង់ប្តូរទីតាំងសន្និបាតគណបក្សសាធារណរដ្ឋចេញពីរដ្ឋ North Carolina។ គ្រូបង្រៀនកំពុងបង្កើតធនធានអនឡាញជាភាសាសញ្ញាសម្រាប់មនុស្សគរថ្លង់ ក្នុងអំឡុងពេលមានជំងឺកូវីដ១៩។ ក្រុមហ៊ុន SpaceX នឹងបញ្ជូនអ្នកអវកាសអាមេរិកទៅអវកាសវិញក្រោយអង្គការ NASA ផ្អាក៩ឆ្នាំ។ លោកពូទីនពន្យារពិធីរឭកខួប៧៥ឆ្នាំនៃជ័យជម្នះក្នុងសង្គ្រាមលោកលើកទី២ដោយសារជំងឺកូវីដ១៩៕
ព័ត៌មានពេលរាត្រី
ព័ត៌មានអំពីកម្ពុជាមានដូចតទៅ៖ រដ្ឋមន្រ្តីក្រសួងមហាផ្ទៃថា អ្នកទោសដែលជាប់ពន្ធនាគារជិតផុតកាលកំណត់ អាចនឹងត្រូវពិចារណាដោះលែង ប៉ុន្តែត្រូវស្ថិតក្រោមការតាមដានរបស់សមត្ថកិច្ច។ អ្នកឃ្លាំមើលថា សកម្មភាពវៀតណាមនិងថៃថ្មីៗនេះនៅតាមព្រំដែន ជាការរំលោភបូរណភាពកម្ពុជា។ សមត្ថកិច្ចចាប់មនុស្ស២៧នាក់នៅកន្លែងជល់មាន់និងលេងអាប៉ោង តែដោះលែងវិញក្រោយពី«ធ្វើការអប់រំ និងធ្វើកិច្ចសន្យា»។ ព័ត៌មានអន្តរជាតិមានដូចតទៅ៖ ករណីស្លាប់ដោយសារជំងឺកូវីដ១៩នៅទូទាំងពិភពលោកកើនឡើងដល់៣ សែន ៥ ម៉ឺន នាក់។ ទិន្នន័យហ្វេសប៊ុក ជួយតាមដានមើលការរាតត្បាតនៃជំងឺកូវីដ១៩។ លោក Trump នឹងប្រកាសអំពីវិធានការដ៏ខ្លាំងក្លាទាក់ទិននឹងសំណើច្បាប់ហុងកុងនៅសប្ដាហ៍នេះ។ ភាពចលាចលនយោបាយនៅហុងកុងប៉ះពាល់ដល់ទីផ្សារភាគហ៊ុនអាស៊ី។ ប្រធានាធិបតីតៃវ៉ា់ន់សន្យាផ្ដល់ជំនួយមនុស្សធម៌ដល់ពលរដ្ឋហុងកុង។ ប៉ូលិសក្រុងហុងកុងបានបិទជុំវិញបរិវេណសភា មុនពេលការបោះឆ្នោតលើសេចក្តីព្រាងច្បាប់ដ៏ចម្រូងចម្រាសមួយ ដែលចាត់ទុកការមិនគោរពភ្លេងជាតិចិនជាបទឧក្រិដ្ឋ។ អង្គការ Human Rights Watch ថា ផ្ទះ ២០០ ខ្នង ត្រូវភ្លើងឆេះនៅរដ្ឋ Rakhine ប្រទេសមីយ៉ាន់ម៉ា។ ទីភ្នាក់ងារ NASA សិក្សាលើមីក្រុបរបស់អវកាសយានិកដែលមកពីស្ថានីយ៍អវកាស ដើម្បីការពារសុខភាពរបស់អវកាសយានិក។ ប្រទេសជាង៦០ បានសន្យាផ្តល់ប្រាក់ប្រហែល ៣ ពាន់ ៤ រយលានដុល្លារ ដើម្បីជួយជនភៀសខ្លួនវ៉េណេហ្ស៊ុយអេឡា និងព័ត៌មានអន្តរជាតិមួយចំនួនទៀត៕
