កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា លោក ហ៊ុន សែន បញ្ជាឲ្យចុះសួរប្រជាពលរដ្ឋនៅតាមព្រំដែន ដែលអះអាងថា បាត់ដីធ្លី។ ព័ត៌មានអន្តរជាតិវិញមានដូចជា លោក Trump សរសើរបុគ្គលិកសុខាភិបាល និងរិះគន់គូប្រជែងក្នុងសន្និបាតជាតិគណបក្សសាធារណរដ្ឋនៅក្នុងយប់ទីមួយនៃសន្និបាតថ្នាក់ជាតិរបស់គណបក្សសាធារណរដ្ឋកាលពីថ្ងៃច័ន្ទ ទី២៤ ខែសីហា។ អង្គការសុខភាពពិភពលោកថា ករណីឆ្លងនិងស្លាប់ថ្មីពីកូវីដ១៩ ថយចុះនៅស្ទើរគ្រប់តំបន់ក្នុង ពិភពលោក ប៉ុន្តែបន្តកើននៅអាស៊ីអាគ្នេយ៍។ កូរ៉េខាងត្បូងបិទសាលារៀនស្ទើរទាំងអស់ក្នុងតំបន់សេអ៊ូល ដើម្បីទប់ទល់ការផ្ទុះឆ្លងឡើងវិញនៃកូវីដ១៩។ ក្រុមអ្នកប្រឆាំងតវ៉ាបានដុតអគារនៅរដ្ឋ Wisconson ក្រោយការប៉ះទង្គិចជាមួយប៉ូលិស។ តុលាការហុងកុងបដិសេធជាថ្មីសំណើនៅក្រៅឃុំរបស់ជនជាប់ចោទដំបូងក្រោមច្បាប់សន្តិសុខជាតិថ្មីរបស់ចិន។ ក្រុមយុទ្ធនាការបោះឆ្នោតថា បេក្ខជនប្រធានាធិបតីលោក Joe Biden នឹងត្រូវធ្វើតេស្តរកកូវីដ១៩ ឲ្យបានទៀងទាត់ និងព័ត៌មានអន្តរជាតិសំខាន់ៗមួយចំនួនទៀត៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា ស្ថាប័នសិទ្ធិមនុស្សកម្ពុជាថា មិនមានការរឹតត្បិតសេរីភាពពលរដ្ឋ ខណៈប្រេសិតអង្គការសហប្រជាជាតិបង្ហាញក្តីបារម្ភ។ សាលាឧទ្ធរណ៍បង្គាប់ឱ្យបន្តឃុំខ្លួនលោក រ៉ុង ឈុន ខណៈមានសម្រែកអ្នកតវ៉ា។ ព័ត៌មានអន្តរជាតិវិញមានដូចជា ភរិយាប្រធានាធិបតីអាមេរិកថ្លែងអំពីវិបត្តិជំងឺកូវីដ១៩ នៅសន្និបាតជាតិគណបក្សសាធារណរដ្ឋ។ លោកប្រធានាធិបតី Trump តែងតាំងរដ្ឋមន្រ្តីស្តីទីក្រសួងសន្តិសុខមាតុភូមិជារដ្ឋមន្រ្តីពេញសិទ្ធិ។ រដ្ឋមន្រ្តីការបរទេសអាមេរិកលោក Pompeo បំពេញទស្សនកិច្ចនៅប្រទេសបារ៉ែន។ រដ្ឋមន្រ្តីការបរទេសក្រិកនិងតួកគីថា រដ្ឋាភិបាលនៃប្រទេសទាំងពីរបានប្រុងប្រៀបខ្លួនធ្វើការចរចា។ មនុស្សម្នាក់ត្រូវគេបាញ់ស្លាប់ក្នុងពេលតវ៉ាលើករណីប៉ូលិសបាញ់បុរសស្បែកខ្មៅម្នាក់នៅរដ្ឋ Wisconsin។ សម្រាប់លោក Trump ឬ លោក Biden កូរ៉េខាងជើងនៅតែជាបញ្ហាជានិច្ច។ សមាជិកសភាហុងកុងពីររូបដែលគាំទ្រលទ្ធិប្រជាធិបតេយ្យត្រូវបានចាប់ខ្លួន។ ចលនាតវ៉ាមិនធ្លាប់មានក្នុងប្រទេសបេឡារុសប្រឈមមុខនឹងសមរភូមិក្ដៅ៕
