កម្មវិធីវិទ្យុ
ព័ត៌មានពេលព្រឹក៖ ២៦ មីនា ២០២១
ព័ត៌មានសំខាន់ៗអំពីកម្ពុជាមានដូចជា តុលាការកម្ពុជាចោទប្រកាន់បុរសម្នាក់ដោយប្រើច្បាប់កូវីដលើកដំបូង ពាក់ព័ន្ធនឹងការអធិប្បាយកុំឲ្យចាក់វ៉ាក់សាំងចិន។ អង្គការសហប្រជាជាតិតែងតាំងបញ្ញវន្តថៃជើងចាស់ ឱ្យឃ្លាំមើលសិទ្ធិមនុស្សនៅកម្ពុជា។ សហរដ្ឋអាមេរិកការពារគម្រោងព្រៃឡង់បៃតងនិងប្តេជ្ញាបង្កើនការផ្សារភ្ជាប់ជាមួយសហគមន៍ល្បាតព្រៃ។ រីឯព័ត៌មានអន្តរជាតិវិញមានដូចជា ឥណ្ឌានិងសហរដ្ឋអាមេរិក សន្យាពង្រឹងភាពជាដៃគូយុទ្ធសាស្ត្រ ដោយផ្តោតលើប្រទេសចិន។ អង់គ្លេសនិងសហរដ្ឋអាមេរិកដាក់ទណ្ឌកម្មក្រុមហ៊ុនមីយ៉ាន់ម៉ាដែលគ្រប់គ្រងដោយយោធា។ ហ្វីលីពីនបង្ហាញការព្រួយបារម្ភដល់អគ្គរដ្ឋទូតចិនអំពីវត្តមាននាវារបស់ចិននៅសមុទ្រចិនខាងត្បូង។ ព្រែកជីកស៊ុយអេស្ទះចរាចរណ៍ពេញមួយថ្ងៃ ក្នុងការស្ទះនៅថ្ងៃទី២។ ជនជាតិ Uyghurs រាប់រយនាក់តវ៉ាប្រឆាំងទស្សនកិច្ចរបស់រដ្ឋមន្រ្តីចិននៅតួកគី៕
ព័ត៌មានពេលរាត្រី៖ ២៦ មីនា ២០២១
ព័ត៌មានសំខាន់ៗអំពីកម្ពុជាមានដូចជា ចិនសន្យាជួយសម្រួលកម្ពុជាទិញវ៉ាក់សាំងកូវីដ១៩ ខណៈផ្តល់ជំនួយវ៉ាក់សាំង ៧០ម៉ឺនដូសទៀត។ ធនាគារពិភពលោកថា កម្ពុជាត្រូវបង្កើនសមត្ថភាពគ្រប់គ្រងជំងឺកូវីដ ដើម្បីជំរុញការងើបឡើងវិញនៃសេដ្ឋកិច្ច។ ប៉ូលិសខ្មែរឃាត់ខ្លួនមនុស្ស១៤នាក់ ក្នុងករណីបន្លំជាគ្រូពេទ្យកូវីដ ដើម្បីចាប់ជំរិត។ មនុស្សម្នាក់ទៀតស្លាប់ដោយជំងឺកូវីដ១៩ ខណៈរកឃើញករណីឆ្លងថ្មីជិត១០០នាក់។ រីឯព័ត៌មានអន្តរជាតិវិញមានដូចជា បញ្ហាព្រំដែនជាប្រធានបទចម្បងនៃសន្និសីទសារព័ត៌មានដំបូងរបស់លោក Joe Biden។ ការតវ៉ាកាន់តែច្រើននៅប្រទេសមីយ៉ាន់ម៉ា ខណៈធនាគារពិភពលោកព្រមានពីសេដ្ឋកិច្ចធ្លាក់ចុះ។ ចិនធ្វើពហិការសម្លៀកបំពាក់ និងស្បែកជើងបរទេស ដោយសារបញ្ហានៅតំបន់ស៊ីនជាំង។ សហរដ្ឋអាមេរិកដាក់ទណ្ឌកម្មបន្ថែមទៀតលើរដ្ឋាភិបាលមីយ៉ាន់ម៉ា។ មនុស្សរាប់លាននាក់ប្រឈមនឹងភាពអត់ឃ្លានធ្ងន់ធ្ងរនៅប្រទេសសូម៉ាលី ដោយសារគ្រោះរាំងស្ងួតនៅតែបន្ត។ គណៈកម្មាធិការអូឡាំពិកអន្តរជាតិ ប្រកាសមិនអនុញ្ញាតឲ្យអ្នកទស្សនាមកពីបរទេសចូលមើលកីឡាអូឡាំពិកនៅទីក្រុងតូក្យូ។ ការចូលរួមរបស់ស្ត្រីក្នុងវិស័យនយោបាយកើនឡើងបន្តិចម្តងៗនៅទូទាំងពិភពលោក និងព័ត៌មានផ្សេងៗទៀត៕
