កម្មវិធីវិទ្យុ
ព័ត៌មានពេលព្រឹក
ព័ត៌មានសំខាន់ៗអំពីកម្ពុជាមានដូចជា ភាពចម្រូងចម្រាសនៃការបង្កើតច្បាប់មិនស្របតាមរដ្ឋធម្មនុញ្ញកម្ពុជានៅតែជាសំណួរនៅឡើយ។ រីឯព័ត៌មានអន្តរជាតិវិញមានដូចជា បាតុករថៃប្រឈមជាមួយនឹងរបបរាជានិយម ស្របពេលដែលការតវ៉ារីកកាន់តែធំឡើង។ អង្គការសហប្រជាជាតិកត់សម្គាល់ខួបទី ៧៥ ក្នុងបរិយាកាសដែលមានការប្រឈមថ្មីៗ។ ការខកចិត្តចំពោះការសម្រេចលើការស្លាប់របស់នាង Breonna Taylor បង្កឲ្យបាតុកម្មពាសពេញសហរដ្ឋអាមេរិក។ សកម្មជនប្រឆាំងដ៏លេចធ្លោបំផុតរបស់ក្រុងហុងកុងត្រូវបានចាប់ខ្លួន។ បាតុកម្មផ្ទុះឡើងនៅបេឡារុស ក្រោយមានពិធីស្បថចូលកាន់តំណែងជាសម្ងាត់របស់លោក Lukashenko។ ទីភ្នាក់ងារអវកាស NASA ថាអាចម៍ផ្កាយទំហំប៉ុនរថយន្តក្រុងហោះមកយ៉ាងកៀកនឹងផែនដី និងព័ត៌មានអន្តរជាតិផ្សេងទៀត៕
ព័ត៌មានពេលរាត្រី៖ ២៥ កញ្ញា ២០២០
ព័ត៌មានអំពីកម្ពុជាមានដូចជា សហរដ្ឋអាមេរិកដាក់ទណ្ឌកម្មក្រុមហ៊ុនចិនដែលអភិវឌ្ឍមណ្ឌលកម្សាន្តទេសចរណ៍នៅកម្ពុជា។ សមាជិកសភាអាមេរិកចូលរួមជាមួយសហគមន៍អន្តរជាតិជំរុញឲ្យរដ្ឋាភិបាលកម្ពុជាទទួលខុសត្រូវរឿងសិទ្ធិមនុស្ស។ ជនរងគ្រោះដាក់ពាក្យប្តឹងប្រជាការពារខណ្ឌ៧មករា ករណីបោកផ្ទប់នឹងថ្នល់មួយទំហឹងក្នុងពេលតវ៉ា។ មន្រ្តីទូតនានាជួបលោក កឹម សុខា ខណៈសវនាការប្រឆាំងរូបលោកអាចពន្យារពេលយូរឆ្នាំ។ ព័ត៌មានអន្តរជាតិវិញមានដូចជា លោក Trump លើកឡើងពីសន្លឹកឆ្នោតដែលគេបោះចោលថាជាភស្ដុតាងនៃការអាចបន្លំសន្លឹកឆ្នោត។ ទំនាក់ទំនងរវាងសហរដ្ឋអាមេរិក ចិន និងរុស្ស៊ីកាន់តែប្រេះឆានៅក្នុងមហាសន្និបាតអង្គការសហប្រជាជាតិ។ មនុស្សរាប់ពាន់នាក់តវ៉ានៅក្នុងប្រទេសថៃ ទាក់ទិននឹងការពន្យារពេលធ្វើវិសោធនកម្មរដ្ឋធម្មនុញ្ញ។ បណ្តាប្រទេសអឺរ៉ុបខាងលិចខិតខំបញ្ចៀសកុំឲ្យមានការបិទសកម្មភាពទូទាំងប្រទេស អំឡុងពេលមានជំងឺកូវីដ១៩៕
