កម្មវិធីវិទ្យុ
ព័ត៌មានពេលព្រឹក៖ ២៥ វិច្ឆិកា ២០២០
ព័ត៌មានសំខាន់ៗមានដូចជា អ្នកតស៊ូមតិក្លាយជាជនជាប់ចោទក្នុងសំណុំរឿងរួមគំនិតក្បត់ធំបំផុតក្នុងប្រវត្តិសាស្ត្រតុលាការកម្ពុជា។ ការស្ទង់មតិ៖ តុលាការ នគរបាល និងរដ្ឋាភិបាល នៅតែពុករលួយជាងគេ។ ព័ត៌មានអន្តរជាតិវិញមានដូចជា លោក Biden នឹងបង្ហាញជាផ្លូវការនូវសមាសភាពខ្លះនៃគណៈរដ្ឋមន្ត្រីរបស់លោក។ ប្រទេសអឺរ៉ុបស្វះស្វែងរកវិធីទប់ស្កាត់ការរាតត្បាតកូវីដ១៩ជាថ្មី នៅជិតអំឡុងថ្ងៃបុណ្យរដូវត្រជាក់។ វិស័យអាកាសចរណ៍សាកលត្រូវបានគំរាមកំហែងដោយការខាតបង់ខ្លាំង។ រដ្ឋមន្រ្តីក្រសួងការបរទេសចិន និងជប៉ុនជួបប្រជុំគ្នានៅទីក្រុងតូក្យូ។ ប្រទេសចិនបង្ហោះយានអវកាសទៅស្រាវជ្រាវនៅភពព្រះចន្ទ។ ពានរង្វាន់សេរីភាពសារព័ត៌មានអន្តរជាតិផ្តល់កិត្តិយសចំពោះសេចក្តីក្លាហាន៕
ព័ត៌មានពេលរាត្រី៖ ២៥ វិច្ឆិកា ២០២០
ព័ត៌មានអំពីកម្ពុជាមានដូចជា តុលាការខេត្តរតនគិរីទម្លាក់ចោលការចោទប្រកាន់លើអតីតអ្នកកាសែតThe Cambodia Daily។ លោក ហ៊ុន សែន រិះគន់មេធាវីក្រុមសិទ្ធិមនុស្សមួយចំនួនថាញុះញង់ពលរដ្ឋឲ្យតវ៉ា។ សហរដ្ឋអាមេរិកជឿជាក់ថា ទណ្ឌកម្មសេដ្ឋកិច្ចលើក្រុមហ៊ុនចិននឹងជួយកែលម្អស្ថានភាពសិទ្ធិមនុស្សនៅកម្ពុជា។ ព័ត៌មានអន្តរជាតិវិញមានដូចជា ដំណើរការឆ្ពោះទៅការកាន់អំណាចរបស់លោក Biden ចាប់ផ្ដើមជាផ្លូវការ ទោះលោក Trump នៅមិនទាន់ចុះចាញ់ក៏ដោយ។ លោក Biden ថា សហរដ្ឋអាមេរិក «ត្រៀមខ្លួនរួចជាស្រេចនៅក្នុងការដឹកនាំពិភពលោក មិនមែនដកខ្លួនចេញនោះទេ»។ លោក Biden ត្រូវបានបញ្ជាក់ជាផ្លូវការថាជាអ្នកឈ្នះការបោះឆ្នោតនៅក្នុងរដ្ឋ Pennsylvania។ ក្រុមហ៊ុនផលិតស្រោមដៃកៅស៊ូធំបំផុតក្នុងពិភពលោកកាត់បន្ថយការផលិតដោយសារជំងឺកូវីដ១៩។ នាយករដ្ឋមន្ត្រីជប៉ុនថាទំនាក់ទំនងដែលមានស្ថិរភាពរវាងប្រទេសជប៉ុននិងចិនមានសារ:សំខាន់។ ក្រុមបាតុករគាំទ្រលទ្ធិប្រជាធិបតេយ្យដែលត្រូវហៅថា«សិស្សអាក្រក់»វាយប្រហាររដ្ឋាភិបាលថៃនៅបាងកកនិងព័ត៌មានសំខាន់ៗមួយចំនួនទៀត៕
