កម្មវិធីវិទ្យុ
ព័ត៌មានពេលព្រឹក៖ ២៤ មិថុនា ២០២១
ព័ត៌មានអំពីកម្ពុជាមាន រដ្ឋមន្រ្តីការបរទេសចក្រភពអង់គ្លេសមកកម្ពុជា ដើម្បីពង្រឹងចំណងទាក់ទងមុនពេលកម្ពុជាធ្វើជាប្រធានអាស៊ាន។ រីឯព័ត៌មានអន្តរជាតិវិញមានដូចជា សន្និសីទស្តីពីប្រទេសលីប៊ីផ្តោតលើការបោះឆ្នោតនិងសន្តិសុខ។ នៅពេលបទមនុស្សឃាតកើនឡើង លោក Biden ជំរុញចំណាត់ការត្រួតត្រាកាំភ្លើងកាន់តែខ្លាំងឡើង។ កាសែត Apple Daily ដែលគាំទ្រប្រជាធិបតេយ្យនៅហុងកុងនឹងបញ្ឈប់ប្រតិបត្តិការនៅសប្តាហ៍នេះ។ ការផ្ទុះនៅខាងក្រៅផ្ទះរបស់មេដឹកនាំក្រុមសកម្មប្រយុទ្ធអ៊ីស្លាមធ្វើឲ្យមនុស្ស៣នាក់ស្លាប់។ ឧបសគ្គខាងបច្ចេកវិទ្យាធ្វើឲ្យប៉ះពាល់យុទ្ធនាការចាក់វ៉ាក់សាំងកូវីដ១៩នៅតំបន់ដាច់ស្រយាល។ ការវាយប្រហារតាមអាកាសបានសម្លាប់មនុស្សរាប់សិបនាក់នៅក្នុងតំបន់ Tigray ប្រទេសអេត្យូពី។ រដ្ឋបាលលោក Bidenនិងសមាជិកសភាអាមេរិកប្រឈមនឹងការគំរាមកំហែងពីក្រុមជ្រុលនិយមក្នុងប្រទេស។ នៅអង្គការសហប្រជាជាតិបណ្តាប្រទេសសមាជិកថ្កោលទោសរបបយោធាមីយ៉ាន់ម៉ា៕
ព័ត៌មានពេលរាត្រី៖ ២៤ មិថុនា ២០២១
ព័ត៌មានអំពីកម្ពុជាមានដូចជា សកម្មជនបរិស្ថានវ័យក្មេងនៃក្រុមមាតាធម្មជាតិត្រូវក្រសួងមហាផ្ទៃចោទប្រកាន់ថាចង់ផ្តួលរំលំរដ្ឋាភិបាល។ ប្រធានគ.ជ.បថ្មីថាលោកនឹងអនុវត្តតាមច្បាប់ក្រោយរដ្ឋសភាយល់ព្រមឲ្យធ្វើជាប្រធានស្ថាប័នរៀបចំការបោះឆ្នោត។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «ផលប៉ះពាល់នៃជំងឺកូវីដ១៩លើពលកម្មកុមារនៅតំបន់អាស៊ាន»។ រីឯព័ត៌មានអន្តរជាតិវិញមានដូចជា សន្និសីទស្តីពីប្រទេសលីប៊ីផ្តោតលើការបោះឆ្នោតនិងសន្តិសុខ។ លោក Biden ដកតំណែងប្រធានទីភ្នាក់ងារសហព័ន្ធសម្រាប់ហិរញ្ញវត្ថុអចលនទ្រព្យបន្ទាប់ពីការសម្រេចរបស់តុលាការ។ សេតវិមាន និងសមាជិកព្រឹទ្ធសភាគណបក្សទាំងពីរនឹងពិភាក្សាកិច្ចព្រមព្រៀងអំពីហេដ្ឋារចនាសម្ព័ន្ធ។ បាតុករថៃវិលត្រឡប់មកធ្វើបាតុកម្មតាមផ្លូវទាមទារឲ្យមានការផ្លាស់ប្តូររដ្ឋធម្មនុញ្ញ។ កាសែតគាំទ្រលទ្ធិប្រជាធិបតេយ្យក្រុងហុងកុងបានបោះពុម្ភអត្ថបទចុងក្រោយ និងព័ត៌មានដទៃទៀត៕
