កម្មវិធីវិទ្យុ
ព័ត៌មានពេលព្រឹក៖ ២៤ ធ្នូ ២០២០
ព័ត៌មានអំពីកម្ពុជាមានដូចជា បទសម្ភាសន៍ VOA ភាគទី២ ជាមួយនឹងឯកអគ្គរដ្ឋទូតសហរដ្ឋអាមេរិកប្រចាំកម្ពុជាលោក W. Patrick Murphy អំពី «សហរដ្ឋអាមេរិកក្រោមរដ្ឋការថ្មី និងប្រជាធិបតេយ្យនៅកម្ពុជា»។ អាជ្ញាធរថៃថាស្ត្រីខ្មែរម្នាក់វិជ្ជមានកូវីដក្រោយឆ្លងដែន«មិនស្របច្បាប់»។ ព័ត៌មានអន្តរជាតិវិញមានដូចជា អ្នកវិទ្យាសាស្ត្រអង់គ្លេសនិយាយថា ជំងឺកូវីដ១៩ប្រភេទថ្មី មានលក្ខណៈឆ្លងខ្លាំងជាងជំងឺកូវីដ១៩ប្រភេទទូទៅ។ ម៉ាឡេស៊ីកំពុងបង្កើនឃ្លាំងស្តុកវ៉ាក់សាំងកូវីដ១៩ និងទិញវ៉ាក់សាំងបន្ថែមសម្រាប់ពលរដ្ឋរបស់ខ្លួន។ ថៃជំរុញឲ្យមានការគ្រប់គ្រងឲ្យបានតឹងរ៉ឹង ពេលប្រារព្ធពិធីបុណ្យឆ្លងឆ្នាំ។ លោកBiden តែងតាំងរដ្ឋមន្ត្រីក្រសួងអប់រំដែលមានដើមកំណើតមកពីអាមេរិកឡាទីន។ សំណើច្បាប់ចំណាយលើការការពារជាតិ និងជំងឺកូវីដ១៩ រួមបញ្ចូលការកំហិតអំណាចរបស់ទីភ្នាក់ងារប្រព័ន្ធផ្សព្វផ្សាយ USAGM៕
ព័ត៌មានពេលរាត្រី៖ ២៤ ធ្នូ ២០២០
ព័ត៌មានអំពីកម្ពុជាមានដូចជា លោក ហ៊ុន ម៉ាណែត សន្សំឥទ្ធិពលក្នុងបក្សជាមួយតំណែងថ្មី។ ក្នុងកម្មវិធី Hello VOA មានកិច្ចពិភាក្សាអំពី«បញ្ហាប្រឈមរបស់ពលករ ក្នុង គ្រាជំងឺរាតត្បាតនិងក្តីសង្ឃឹមនៅឆ្នាំ២០២១»។ ព័ត៌មានអន្តរជាតិវិញមានដូចជា លោក Trump បោះឆ្នោតវ៉េតូប្រឆាំងសេចក្តីព្រាងច្បាប់ថវិកាវិស័យការពារប្រទេស។ លោក Trump លើកលែងទោសលោក Manafort អតីតប្រធានយុទ្ធនាការឃោសនាបោះ ឆ្នោតនិងសហការីលោក Roger Stone។ ប្រទេសសិង្ហបូរី បញ្ជាក់ពីករណីវីរុសកូរ៉ូណាវិវត្តិថ្មីដែលត្រូវបានគេរកឃើញនៅក្នុងចក្រភពអង់គ្លេស។ វ៉ាក់សាំងបន្ថែមចំនួន១រយលានដូសពីក្រុមហ៊ុន Pfizer និង BioNTech នឹងត្រូវគេចែកចាយនៅក្នុងសហរដ្ឋអាមេរិក។ វ៉ាក់សំាងកូវីត១៩ដំបូងបានទៅដល់អាមេរិកឡាទីន។ ក្រសួងសេដ្ឋកិច្ច និងក្រសួងការបរទេសអាមេរិក ដាក់ទណ្ឌកម្មលើប្រទេសបេឡារុស។ ប្រទេសចិនចាប់ផ្ដើមការស៊ើបអង្កេតប្រឆាំងភាពផ្ដាច់មុខលើក្រុមហ៊ុន Alibaba។ ក្រុមវេជ្ជបណ្ឌិតក្នុងប្រទេសកេនយ៉ាធ្វើកូដកម្មទាមទារតំឡើងបា្រក់ខែ និងសម្រួលលក្ខខណ្ឌការងារ៕
