កម្មវិធីវិទ្យុ
ព័ត៌មានពេលព្រឹក៖ ២៣ កក្កដា ២០២១
ព័ត៌មានអំពីកម្ពុជាមានដូចជា រដ្ឋាភិបាលព្រមានចាត់វិធានការលើអ្នកទិញឧបករណ៍តេស្តរហ័សកូវីដ១៩ពីរដ្ឋយកទៅលក់លើទីផ្សារ។ អាមេរិកចោទជនជាតិចិនថា លួចទិន្នន័យពីកម្ពុជាទាក់ទងនឹងការពិភាក្សាអំពីទន្លេមេគង្គ។ រីឯព័ត៌មានអន្តរជាតិវិញមានដូចជា ក្ដីកង្វល់អំពីប្រសិទ្ធភាពវ៉ាក់សាំងកូវីដ១៩ Sinovac នៅតែមាន ខណៈតំបន់អាស៊ីអាគ្នេយ៍ប្រឹងទប់ទល់នឹងជំងឺកូវីដ១៩។ កិច្ចចរចាសហរដ្ឋអាមេរិកនិងតៃវ៉ាន់នឹងបន្តស្របពេលមានការខ្វះខាតបន្ទះអេឡិចត្រូនិក Semiconductor ក្នុងសាកលលោក៕
ព័ត៌មានពេលរាត្រី៖ ២៣ កក្កដា ២០២១
ព័ត៌មានអំពីកម្ពុជាមានដូចជា រដ្ឋបាលខេត្តកំពង់ស្ពឺអនុវត្តដីកាចាប់ខ្លួនសកម្មជនបក្សប្រឆាំង ប៉ុន្តែកម្លាំងនគរបាលខេត្តនិងស្រុកថា មិនដឹងព័ត៌មាន។ ក្រសួងប្រៃសណីយ៍ព្រមានក្រុមហ៊ុន Smart ក្នុងជម្លោះជាមួយអតិថិជនម្នាក់រឿងកាត់លេខខុស។ អាមេរិកនឹងបញ្ជូនវ៉ាក់សាំង Johnson &Johnson ជាង១លានដូសមកកម្ពុជាឆាប់ៗនេះ។ រីឯព័ត៌មានអន្តរជាតិវិញមានដូចជា ការប្រកួតកីឡាអូឡាំពិកក្រុងតុក្យូបើកនៅថ្ងៃសុក្រនេះ។ អ៊ីរ៉ាក់រំពឹងសេចក្តីប្រកាសបញ្ចប់បេសកកម្មប្រយុទ្ធរបស់អាមេរិក។ នាយក CDC ថា វីរុសដែលតា«ជាវីរុសធ្វើឲ្យរលាកផ្លូវដង្ហើមឆ្លងខ្លាំងបំផុត»។ ក្រុមហ៊ុនប្រេង និងឧស្ម័នជាតិអ៊ុយក្រែនថា Nord Stream 2 មិនត្រូវដំណើរការទេ។ ចិនប្រតិកម្មនឹងអាមេរិករឿងចោទប្រកាន់លួចទិន្នន័យពីស្ថាប័នរដ្ឋនៅកម្ពុជាទាក់ទងនឹងការពិភាក្សាអំពីទន្លេមេគង្គ។ ទង់ជាតិព្រះអាទិត្យរះរបស់ជប៉ុនបង្កឱ្យមានការខឹងសម្បាយ៉ាងខ្លាំងនៅកម្មវិធីកីឡាអូឡាំពិក។ លោក Biden សរសើរការរើបឡើងវិញនៃសេដ្ឋកិច្ច ប៉ុន្តែនៅតែមានការព្រួយបារម្ភចម្បងៗមួយចំនួន។ អ្នកសង្កេតការណ៍បារម្ភថាការប្រយុទ្ធនៅតំបន់ Tigray នឹងក្លាយជាជម្លោះពូជសាសន៍ និងព័ត៌មានដទៃទៀត៕
