កម្មវិធីវិទ្យុ
ព័ត៌មានពេលព្រឹក៖ ២៣ ធ្នូ ២០២០
ព័ត៌មានអំពីកម្ពុជាមានដូចជា បទសម្ភាសន៍ VOA ជាមួយនឹងឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាលោក Patrick Murphy អំពី «សហរដ្ឋអាមេរិកក្រោមរដ្ឋបាលថ្មី និងប្រជាធិបតេយ្យនៅកម្ពុជា»។ អ្នកចម្រៀងរែបខ្មែរ២នាក់ ត្រូវផ្ដន្ទាទោសដាក់ពន្ធនាគារពីបទញុះញង់។ ព័ត៌មានអន្តរជាតិមានដូចជា នាយករដ្ឋមន្ត្រីថៃបន្ទោសការផ្ទុះការឆ្លងជំងឺកូវីដ១៩ ទៅលើជនចំណាកស្រុកខុសច្បាប់។ ប្រទេសចិននិយាយថាខ្លួននឹងចាត់វិធានការប្រឆាំងការរឹតបន្តឹងទិដ្ឋាការរបស់អាមេរិក។ វេជ្ជបណ្ឌិតអាហ្វហ្គានីស្ថាន ស្លាប់ក្នុងហេតុការណ៍ផ្ទុះគ្រាប់មីន។ សមាជិកព្រឹទ្ធសភាអាមេរិក និយាយថា ក្រុមចោរបច្ចេកវិទ្យាបានចូលក្នុងគណនីអ៊ីមែលរបស់ក្រសួងសេដ្ឋកិច្ចសហរដ្ឋអាមេរិក។ ប្រព័ន្ធផ្សព្វផ្សាយសាធារណៈរងការប៉ះពាល់ធ្ងន់ធ្ងរអំឡុងពេលការរាតត្បាតវីរុសកូរ៉ូណា៕
ព័ត៌មានពេលរាត្រី៖ ២៣ ធ្នូ ២០២០
ព័ត៌មានអំពីកម្ពុជាមានដូចជា អាជ្ញាធរថៃថាស្រ្តីខ្មែរម្នាក់ត្រូវបានរកឃើញថាមានជំងឺកូវីដ ក្រោយឆ្លងដែនមិនស្របច្បាប់។ ប្រជានេសាទត្អូញត្អែរត្រីបឹងទន្លេសាបធ្លាក់ចុះ ខណៈរដូវត្រីប្រហុកមកដល់។ អ្នកច្រៀងចម្រៀងរ៉េបខ្មែរ២នាក់ នៅថ្ងៃអង្គារនេះ ត្រូវបានតុលាការខេត្តសៀមរាប បានសម្រេចផ្តន្ទាទោសពួកគេពីបទ«ញុះញង់» រឿងនិពន្ធបទចម្រៀង ដែលក្រសួងវប្បធម៌យល់ថាមានអត្ថន័យរិះគន់។ ព័ត៌មានអន្តរជាតិវិញមានដូចជា លោក Trump គំរាមកំហែងមិនចុះហត្ថលេខាលើកញ្ចប់ជំនួយកូវីដ១៩និងសេចក្តីព្រាងច្បាប់ផ្តល់ថវិកាដល់រដ្ឋាភិបាល។ លោកប្រធានាធិបតី Trump លើកលែងទោសមនុស្ស១៥នាក់ រួមទាំងសម្ព័ន្ធមិត្តខាងគណបក្សសាធារណរដ្ឋផង។ ប្រធានាធិបតីកូរ៉េខាងត្បូងលោក Moon រងការរិះគន់ខ្លាំងចំពោះផែនការវ៉ាក់សាំង នៅពេលករណីនៃការឆ្លងកូវីដ១៩កើនឡើង។ សហភាពអឺរ៉ុបស្នើឲ្យប្រទេសសមាជិកដកបម្រាមការធ្វើដំណើរចេញចូលពីចក្រភពអង់គ្លេស។ ចំនួនប្រជាជនសហរដ្ឋអាមេរិក កើនឡើងតិចបំផុតក្នុងរយៈពេល១២០ឆ្នាំក្រោយនេះ។ លោក Bidenនឹងប្រឈមមុខជាមួយបញ្ហាក្នុងកិច្ចព្រមព្រៀងពាណិជ្ជកម្មអាស៊ីប៉ាស៊ីហ្វិក។ ក្រុមអ្នកមានវ័យក្មេងដែលបានគាំទ្រលោក Sanders កំពុងរង់ចាំមើលថាពួកគេនឹងទទួលផលប្រយោជន៍អ្វីខ្លះបន្ទាប់ពីលោក Biden ឈ្នះឆ្នោត។ ឧត្តមស្នងការសិទ្ធិមនុស្សអង្គការសហប្រជាជាតិថ្កោលទោសដល់ស្ថានភាពសិទ្ធិមនុស្សដែលកាន់តែដុនដាបនៅក្នុងប្រទេសបេឡារុស។ តុលាការបារាំងកាត់ទោសជន១៤នាក់ទាក់ទិននឹងការវាយប្រហារនៅការិយាល័យទស្សនាវដ្តី Charles Hebdo កាលពីឆ្នាំ២០១៥៕
