កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា បុរសខ្មែរ២៦នាក់ទៀតឆ្លងកូវីដ១៩ នាំឲ្យចំនួនឆ្លងសរុបមាន១៩៧នាក់ រួមទាំងអាមេរិកាំង២នាក់។ កម្ពុជា-ចិនបញ្ចប់កិច្ចព្រមព្រៀងពាណិជ្ជកម្មសេរី ដោយភាគីទាំងពីរថាមានអត្ថប្រយោជន៍សម្រាប់ប្រជាជន។ តុលាការព្រមានលោក កឹម សុខា មិនឲ្យប្រើសិទ្ធិហួសការកំហិតរបស់តុលាការ។ ព័ត៌មានអន្តរជាតិវិញមានដូចជា នាវាចម្បាំងរបស់ឥណ្ឌា និងសហរដ្ឋអាមេរិកធ្វើសមយុទ្ធយោធារួមគ្នានៅមហាសមុទ្រឥណ្ឌា។ លោក Trump នឹងបញ្ជូនកងកម្លាំងសហព័ន្ធទៅតាមទីក្រុងផ្សេងៗទៀតដើម្បីបង្ក្រាបបាតុកម្មប្រឆាំងការរើសអើងជាតិសាសន៍។ ចិនព្រមានពីផលវិបាកផ្នែកពាណិជ្ជកម្ម បន្ទាប់ពីអង់គ្លេសដាក់បម្រាមលើក្រុមហ៊ុន Huawei រឿងបច្ចេកវិទ្យា 5G។ សហរដ្ឋអាមេរិកនិងអង់គ្លេសកាន់តែមើលឃើញពីបញ្ហាដែលបង្កឡើងដោយរដ្ឋាភិបាលចិន។ ជំងឺកូវីដ១៩ ឆ្លងរាតត្បាតដល់ទីក្រុងមួយទៀតនៅក្នុងប្រទេសចិន៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា សង្គមស៊ីវិលបារម្ភថា កង្វះយន្តការតាមដានធ្វើឲ្យពលរដ្ឋក្រីក្រខ្លះមិនទទួលបានជំនួយសង្គមពីរដ្ឋក្នុងគ្រាមានជំងឺកូវីដ១៩។ ក្រុមសកម្មជនបរិស្ថានជាង៨០ ស្នើរដ្ឋាភិបាលកម្ពុជាឲ្យបិទអាជីវកម្មឈើរបស់ក្រុមហ៊ុនចំនួនពីរ។ ព័ត៌មានអន្តរជាតិវិញមានដូចជា សហរដ្ឋអាមេរិកបញ្ជាឲ្យចិនបិទស្ថានកុងស៊ុលខ្លួនក្នុងរដ្ឋតិចសាស់។ ចំនួនអ្នកឆ្លងជំងឺកូវីដ១៩នៅជុំវិញពិភពលោកបានកើនដល់ជាង១៥លាននាក់។ រដ្ឋាភិបាលថៃសម្រេចពន្យារវិធានដាក់ប្រទេសក្នុងគ្រាអាសន្នដល់ចុងខែសីហា។ លោក Biden បង្ហាញគម្រោងបង្កើតការងារថ្មីចំនួន ៥ លានការងារក្នុងផ្នែកផលិតកម្ម៕
