កម្មវិធីវិទ្យុ
ព័ត៌មានពេលព្រឹក៖ ២២ ធ្នូ ២០២១
ព័ត៌មានអំពីកម្ពុជាមាន កម្ពុជានិងវៀតណាម ចុះហត្ថលេខាពង្រឹងវិស័យសំខាន់ៗរួមទាំងការពារជាតិ ក្នុងពេលទស្សនកិច្ចប្រធានាធិបតីវៀតណាម។ កូនស្រីជនអន្តោប្រវេសន៍ខ្មែរកាត់ចិន នឹងចូលប្រកួតដើម្បីអសនៈសភាសហរដ្ឋអាមេរិកជាលើកទី២។ តុលាការក្រុងភ្នំពេញ សម្រេចឃុំខ្លួនមន្ត្រីនគរបាល២រូប ពាក់ព័ន្ធការកាន់កាប់ និងទន្រ្ទានដីព្រៃលិចទឹកតំបន់៣។ រីឯព័ត៌មានអន្តរជាតិវិញមាន ចិនវាយបកលើការរិះគន់ទាក់ទិននឹងបញ្ហាក្នុងតំបន់ស៊ីនជាំង តំបន់ទីបេ និងទីក្រុងហុងកុង។ រុស្ស៊ីព្រមានចាត់វិធានការប្រឆាំងការគំរាមកំហែងរបស់បស្ចិមប្រទេសរឿងអ៊ុយក្រែន។ វីរុសបំប្លែងថ្មីអូមីក្រុង ក្លាយជាវីរុសកូវីដ១៩ នាំមុខគេនៅសហរដ្ឋអាមេរិក។ ចិន សន្យាបញ្ចៀសមិនឱ្យមានអនុត្តរភាពនៅក្នុងសមុទ្រចិនខាងត្បូង ជាការពិតមែន ឬយ៉ាងណា និងព័ត៌មានផ្សេងៗទៀត៕
ព័ត៌មានពេលរាត្រី៖ ២២ ធ្នូ ២០២១
ព័ត៌មានអំពីកម្ពុជាមានដូចជា កម្ពុជានិងវៀតណាមឯកភាពគ្នាមិនឲ្យកម្លាំងអមិត្តប្រើប្រាស់ទឹកដីរៀងៗខ្លួន ក្នុងវិស័យការពារជាតិ។ មេគណបក្សម្នាក់ និងជនសង្ស័យជាង១០នាក់ទៀតត្រូវចាប់ខ្លួន ពាក់ព័ន្ធនឹងអំពើប្លន់គ្រឿងពេជ្រ។ តុលាការក្រុងភ្នំពេញ លើកពេលសវនាការសកម្មជនបក្សជំទាស់២រូប ដែលត្រូវបញ្ជូនមកពីថៃ។ កម្មករនយោជិតក្រុមហ៊ុនណាហ្គាវើលដ៍ប្តេជ្ញាបន្តកូដកម្ម លុះត្រាតែមានដំណោះស្រាយអាចទទួលយកបាន។ រីឯព័ត៌មានអន្តរជាតិវិញមានដូចជា លោក Biden ប្រកាសពីកិច្ចប្រឹងប្រែងថ្មីដើម្បីប្រយុទ្ធប្រឆាំងនឹងការកើនឡើងការឆ្លងវីរុសអូមីក្រុង។ ប្រទេសថៃតម្រូវឡើងវិញការធ្វើចត្តាឡីស័កបង្ការជំងឺកូវីដ១៩ ដោយសារការព្រួយបារម្ភអំពីវីរុសអូមីក្រុង។ ចំនួនមនុស្សស្លាប់ដោយសារទឹកជំនន់នៅប្រទេសម៉ាឡេស៊ីឡើងដល់២៧នាក់។ ក្រុមសិទ្ធិមនុស្សថា កងកម្លាំងតំបន់ Amhara នៅអេត្យូពីប្រព្រឹត្តអំពើឃោរឃៅនៅតំបន់ Tigray។ កម្មវិធីព័ត៌មានអវកាសខែនេះ ស្តីពីការប៉ះព្រះអាទិត្យនិងមើលប្រវត្តិចក្រវាឡនិងព័ត៌មានផ្សេងៗទៀត៕
