កម្មវិធីវិទ្យុ
ព័ត៌មានពេលព្រឹក៖ ២០ សីហា ២០២១
ព័ត៌មានអំពីកម្ពុជាមានដូចជា លោក ហ៊ុន សែន ថាលោកចំណាយថវិកាផ្ទាល់ខ្លួន ទិញផ្លែមៀនកសិករបញ្ចៀសវិបត្តិមិនអាចលក់ទៅប្រទេសថៃ។ ការថ្លែងចុងក្រោយ៖ លោក ខៀវ សំផន មិនបានសុំទោស ហើយហៅការកាត់ទោសថា«ជានិមិត្តរូប»តែប៉ុណ្ណោះ។ មន្រ្តីរាជបណ្ឌិត្យសភាជំរុញអាមេរិកកុំរិះគន់ប្រជាធិបតេយ្យ បើចង់ពង្រឹងទំនាក់ទំនងជាមួយកម្ពុជា។ រីឯព័ត៌មានអន្តរជាតិវិញមានដូចជា សហរដ្ឋអាមេរិកបន្តទំនាក់ទំនងការទូតទទួលជនជាតិអាហ្វហ្គានីស្ថានដែលមានហានិភ័យ។ អភិបាលរដ្ឋសហរដ្ឋអាមេរិកទទួលយកជនភៀសខ្លួនអាហ្វហ្គានីស្ថាន។ អ្វីដែលយើងដឹង៖ តាលីបង់កាន់កាប់អាហ្វហ្គានីស្ថាន។ សហរដ្ឋអាមេរិកដឹកវ៉ាក់សាំង Pfizer ទៅប្រទេសកូសូវ៉ូ ពេលវីរុសប្រភេទដែលតាកើនឡើង។ កូរ៉េខាងជើងហាមនាវាចរណ៍ចំពេលមានការភ័យខ្លាចការសាកល្បងអាវុធ៕
ព័ត៌មានពេលរាត្រី៖ ២០ សីហា ២០២១
ព័ត៌មានអំពីកម្ពុជាមានដូចជា មនុស្សជិត១០០នាក់ត្រូវបញ្ជូនទៅតុលាការក្នុង៣សប្តាហ៍នៃការរឹតបន្តឹងប្រឆាំងវីរុសបំប្លែងថ្មី Delta។ តុលាការកាត់ទោសបុរសដែលប្រកាសយកម៉ាស់ពាក់ឲ្យមាន់ ជាប់ពន្ធនាគារ១៨ខែ នាំឲ្យមានការរិះគន់។ ដំបូន្មានលោក ស្រី បណ្តូល បានក្លាយជាត្រីវិស័យនិងពន្លឺជីវិតដល់កូនសិស្សសិល្បៈគំនូរកម្ពុជា។ រីឯព័ត៌មានអន្តរជាតិវិញមានដូចជា តួកគីបង្កើនការប្រឹងប្រែងដើម្បីបញ្ចៀសអពយពអ្នកភៀសខ្លួនអាហ្វហ្គានីស្ថាន។ អតីតយុទ្ធជនយោធាអាមេរិកាំង«តក់ស្លុត»នឹងការចូលកាន់កាប់យ៉ាងរហ័សរបស់ក្រុមតាលីបង់នៅអាហ្វហ្គានីស្ថាន។ ប្រទេសអូស្ត្រាលីមានករណីឆ្លងជំងឺកូវីដ១៩ឡើងខ្ពស់។ មេដឹកនាំយោធាប្រឈមការលំបាកស្តីពីកម្មវិធីចាក់វ៉ាក់សាំងនៅមីយ៉ាន់ម៉ា។ អ្នកកាសែតអាហ្វហ្គានីស្ថានម្នាក់ដែលចង់រកកន្លែងសុវត្ថិភាពថា«ខ្លួនអស់សង្ឃឹម»។ មេប៉ូលិសអាហ្វហ្គានីស្ថានត្រូវបានជួយសង្គ្រោះពីទីក្រុងកាប៊ុល។ ប៉ូលិសវិមានសភាអាមេរិកចាប់បុរសម្នាក់ដែលអះអាងមិនពិតថាមានគ្រាប់បែក។ ប្រទេសបួគីណាហ្វាសូកាន់ទុក្ខជាថ្មីម្តងទៀតបន្ទាប់ពីការសម្លាប់រង្គាលដោយក្រុមជីហាដ៕
