កម្មវិធីវិទ្យុ
ព័ត៌មានពេលព្រឹក៖ ២ កញ្ញា ២០២១
ព័ត៌មានអំពីកម្ពុជាមានដូចជា តុលាការខេត្តកំពង់ឆ្នាំងកោះហៅសកម្មជនឡពាង ៤នាក់ សង្ស័យ«ប៉ុនប៉ងឃាតកម្មនិងធ្វើឲ្យខូចខាតដោយចេតនា»ក្នុងជម្លោះបឹង។ របាយការណ៍ថ្មីចោទរដ្ឋាភិបាលកម្ពុជាបង្កើតច្បាប់នានាដើម្បីរឹតត្បិតកាន់តែខ្លាំងលើសេរីភាពលើប្រព័ន្ធអ៊ីនធឺណិត។ រីឯព័ត៌មានអន្តរជាតិវិញមានដូចជា សករាជថ្មីនៅក្នុងប្រទេសអាហ្វហ្គានីស្ថានកំពុងចាប់ផ្តើមជាមួយនឹងការឈរតម្រង់ជួរទិញទំនិញដែលមានតម្លៃខ្ពស់។ សកម្មជនគាំទ្រលទ្ធិប្រជាធិបតេយ្យ ៧នាក់ក្នុងទីក្រុងហុងកុងត្រូវបានកាត់ទោសពីបទចូលរួមបាតុកម្មប្រឆាំងរដ្ឋាភិបាលឆ្នាំ២០១៩។ ប្រភពព័ត៌មានមួយឲ្យដឹងថា យន្តហោះកាតាដែលដឹកក្រុមបច្ចេកទេសបានចុះចតនៅរដ្ឋធានីកាប៊ុល ប្រទេសអាហ្វហ្គានីស្ថាន។ ខ្យល់ព្យុះ Ida ធ្វើឲ្យពលរដ្ឋក្នុងទីក្រុង New Orleans រងទុក្ខ ស្របពេលដែលអាកាសធាតុកំពុងកើនកម្តៅខ្លាំង។ ប្រធានាធិបតីអ៊ុយក្រែន លោក Zelenskiy បំពេញទស្សនកិច្ចនៅសេតវិមានដើម្បីចរចាអំពីសន្តិសុខនិងថាមពល៕
ព័ត៌មានពេលរាត្រី៖ ២ កញ្ញា ២០២១
ព័ត៌មានអំពីកម្ពុជាមានដូចជា ៤ឆ្នាំនៃការចោទប្រកាន់ មេធាវីលោក កឹម សុខា បន្តជំរុញឲ្យពន្លឿនសវនាការ ដើម្បីបង្ហាញ«ការផ្សះផ្សាជាតិ»។ គណបក្សកាន់អំណាចនិងគណបក្សប្រឆាំងចោទគ្នាអំពីការព្យាយាមបំបែកផ្ទៃក្នុងរបស់ខ្លួន។ នៅក្នុងកម្មវិធី Hello VOA នៅថ្ងៃនេះ មានកិច្ចពិភាក្សាអំពី«តើព្រឹត្តិការណ៍នៅអាហ្វហ្គានីស្ថាន ប៉ះពាល់ដល់ការឈរជើងរបស់អាមេរិកនៅអាស៊ីដែរឬទេ?»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកត្រូវបានរំឭកអំពីការបន្សល់ទុកសម្ព័ន្ធមិត្តអាហ្វហ្គានីស្ថាន«ដ៏ច្រើន»នៅអាហ្វហ្គានីស្ថាន។ សហរដ្ឋអាមេរិកនៅសង្ស័យក្រុមតាលីបង់ក្នុងការជួយការប្រឆាំងនឹងភេរវកម្ម។ លោក Biden ប្រាប់ប្រធានាធិបតីអ៊ុយក្រែនអំពីការបន្តគាំទ្ររបស់សហរដ្ឋអាមេរិក។ អ.ស.ប. ប្រុងប្រៀបសម្រាប់អពយពនៃជនភៀសខ្លួនអាហ្វហ្គានីស្ថាន៥សែននាក់៕
