កម្មវិធីវិទ្យុ
ព័ត៌មានពេលព្រឹក៖ ១៩ វិច្ឆិកា ២០២០
ព័ត៌មានសំខាន់ៗមានដូចជា បងស្រីសកម្មជនថៃបាត់ខ្លួនមកដល់កម្ពុជា ដើម្បីស្វែងរកការពិត។ កម្ពុជារកឃើញករណីឆ្លងថ្មីលើអ្នកដំណើរពីអាមេរិកម្នាក់ ដោយធ្វើឲ្យករណីឆ្លងកូវីដសរុបឡើងដល់ ៣០៤។ ក្រុមអង្គការសង្គមស៊ីវិលទាមទារឲ្យក្រុមហ៊ុនស្ករថៃចូលខ្លួនដោះស្រាយជម្លោះជាមួយអ្នកភូមិខ្មែរ។ ព័ត៌មានអន្តរជាតិវិញមានដូចជា ក្រុមហ៊ុន Pfizer ថាវ៉ាក់សាំងវីរុសកូរ៉ូណាមានប្រសិទ្ធភាព៩៥%។ ការរាប់សន្លឹកឆ្នោតប្រធានាធិបតីនៅរដ្ឋ Georgia ជិតផុតថ្ងៃកំណត់។ ប្រធានាធិបតីចិនលោក Xi Jinping នឹងលេចធ្លោក្នុងកិច្ចប្រជុំកំពូលអាស៊ីប៉ាស៊ីហ្វិកពេលអវត្តមានលោក Trump។ អតីតសមាជិកសភា៣រូបនៅហុងកុងត្រូវចាប់ខ្លួនពីបទធ្វើបាតុកម្មនៅក្នុងសភាហុងកុង។ អត្រាឆ្លងជំងឺកូវីដ១៩ ក្នុងប្រទេសអូស្រ្តាលីមានការថយចុះ ប៉ុន្តែអាជ្ញាធរនៅរក្សាការប្រុងប្រយ័ត្នខ្ពស់។ លោក ត្រាំ និងគណបក្សសាធារណរដ្ឋទាត់ចោលដំណើរការផ្ទេរអំណាចអន្តរកាល៕
ព័ត៌មានពេលរាត្រី៖ ១៩ វិច្ឆិកា ២០២០
ព័ត៌មានសំខាន់ៗអំពីកម្ពុជាមានដូចជា ក្រុមសិទ្ធិមនុស្សថា ព្រះសង្ឃពីរអង្គភៀសព្រះកាយពីកម្ពុជា ដោយភ័យខ្លាចការធ្វើទុក្ខបុកម្នេញ។ លោក ណែម សុផា ថា ការស្រឡាញ់ សេចក្ដីក្លាហាន និងការជួយជ្រោមជ្រែងធ្វើឲ្យលោកជោគជ័យក្នុងសិល្ប:សៀកលើឆាកអន្តរជាតិ។ អាជ្ញាធរកម្ពុជាប្រកាសជ័យជម្នះលើរលកថ្មីនៃជំងឺកូវីដ១៩ ខណៈពលរដ្ឋនៅភ្នំពេញសាទរលទ្ធផលតេស្តអវិជ្ជមាន។ នៅក្នុងកម្មវិធី Hello VOA សុខភាព ថ្ងៃនេះ មានការពិភាក្សាអំពី «ប្រសិទ្ធភាពវ៉ាក់សាំងគ្រុនផ្តាសាយធំ»។ រីឯព័ត៌មានអន្តរជាតិវិញមានដូចជា លោក Biden ថា ការប្រយុទ្ធប្រឆាំងនឹងជំងឺកូវីដ១៩ ត្រូវការអគ្គមេបញ្ជាការ។ សេតវិមានមិនបានលើកឡើងពីជំនួបរបស់លោកប្រធានាធិបតី Trump ជាមួយរដ្ឋមន្ត្រីឥណ្ឌូនេស៊ី។ បណ្ដាមេដឹកនាំនៅតំបន់អាស៊ីប៉ាស៊ីហ្វិកជំរុញឲ្យមានពាណិជ្ជកម្មសេរីនៅក្រោយអាណត្តិលោក Trump។ នាយករដ្ឋមន្ត្រីថៃថា ច្បាប់ទាំងអស់នឹងត្រូវប្រើដើម្បីប្រឆាំងនឹងបាតុករ។ ការស្ទង់មតិបង្ហាញថា អ្នកបោះឆ្នោតខាងគណបក្សសាធារណរដ្ឋចំនួនពាក់កណ្តាលជឿថា លោក Trump ឈ្នះឆ្នោត៕
