កម្មវិធីវិទ្យុ
ព័ត៌មានពេលព្រឹក៖ ១៨ វិច្ឆិកា ២០២១
ព័ត៌មានអំពីកម្ពុជាមាន ពលរដ្ឋខ្វែងគំនិតគ្នាលើច្បាប់កំណត់សញ្ជាតិខ្មែរតែមួយ ដោយខ្លះថា វាបម្រើប្រយោជន៍បុគ្គល។ ការសម្រេចរបស់តុលាការលក់ស្នាក់ការកណ្តាលរបស់គណបក្សសង្គ្រោះជាតិ រងការរិះគន់ថា ជាការសងសឹកនយោបាយ។ រីឯព័ត៌មានអន្តរជាតិវិញមាន ប្រទេសឥណ្ឌាបិទរោងចក្រប្រើថាមពលធ្យូងថ្មចំនួន៥ជាបណ្តោះអាសន្ននៅជុំវិញទីក្រុងញូវដែលី។ សហរដ្ឋអាមេរិកនិងជប៉ុន ប្រកាសភាពជាដៃគូថ្មីផ្នែកពាណិជ្ជកម្ម។ ឥណ្ឌូណេស៊ី ចាប់ខ្លួនបព្វជិតជាន់ខ្ពស់ម្នាក់ដែលមានចំណងទាក់ទងជាមួយក្រុម Jemaah Islammiah។ រដ្ឋមន្ត្រីការពារជាតិប៉ូឡូញនិយាយថា ប្រទេសរបស់លោក ប្រឈមនឹងសម្ពាធជនចំណាកស្រុកដែលព្យាយាមឆ្លងពីប្រទេសបេឡារុស ក្នុងរយៈពេលច្រើនខែទៅមុខទៀត។ អតីតយុទ្ធជនស៊ីមបាវ៉េ ត្រូវបានដោះលែងឱ្យនៅក្រៅឃុំ បន្ទាប់ពីត្រូវបានចាប់ខ្លួនដោយសារតវ៉ារឿងប្រាក់សោធននិវត្តន៍៕
ព័ត៌មានពេលរាត្រី៖ ១៨ វិច្ឆិកា ២០២១
ព័ត៌មានអំពីកម្ពុជាមាន ជនភៀសខ្លួនអាហ្វហ្គានីស្ថាន១៥នាក់មកស្នាក់នៅកម្ពុជា មុនទៅប្រទេសទីបី។ អត្រាភាពក្រីក្រនៅកម្ពុជាកើនដល់១៨% ហើយវិបត្តិកូវីដជាកត្តាមួយនាំឲ្យមានកំណើននេះ។ មេធាវីតំណាងនាយករដ្ឋមន្ត្រី ការពារវិធានការលក់ស្នាក់ការបក្សសង្គ្រោះជាតិថា ជា«ការអនុវត្តច្បាប់»។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «ដូសជំរុញនិងការចាក់វ៉ាក់សាំងលាយគ្នា»។ រីឯព័ត៌មានអន្តរជាតិវិញមានដូចជា ក្រុមតាលីបង់អំពាវនាវដល់សហរដ្ឋអាមេរិកឲ្យឈប់បង្កកទ្រព្យសម្បត្តិអាហ្វហ្គានីស្ថាន។ អង្គការសហប្រជាជាតិ ជំរុញសហគមន៍អន្តរជាតិឲ្យប្រុងប្រយ័ត្ន ដោយសារការវាយប្រហាររបស់ក្រុម ISIL Khorasan បានកើនឡើង។ សេតវិមាន៖ គម្រោងកសាងពិភពលោកជាថ្មីឲ្យប្រសើរ នឹងចាប់ផ្តើមគម្រោង៥០ និងព័ត៌មានផ្សេងៗទៀត៕
