កម្មវិធីវិទ្យុ
ព័ត៌មានពេលព្រឹក៖ ១៧ កញ្ញា ២០២១
ព័ត៌មានអំពីកម្ពុជាមានដូចជា អ្នកកាសែតចាស់វស្សាជនជាតិអាមេរិក រំឭកកម្ពុជាឱ្យការពារកិច្ចព្រមព្រៀងសន្ដិភាពទីក្រុងប៉ារីស។ ក្រុមហ៊ុន GFX ពន្យារពេលអតិថិជនមកទទួលប្រាក់សំណង៣០% ខណៈលោក ហ៊ុន សែន ឲ្យសម្រុះសម្រួលជម្លោះ មុនប្តឹងទៅតុលាការ។ សង្គមស៊ីវិល ជំរុញឲ្យផ្តល់សំណងសមរម្យដល់អ្នកមានជម្លោះដីធ្លីក្នុងគម្រោងព្រលានយន្តហោះថ្មីនៅខេត្តកណ្តាល។ រីឯព័ត៌មានអន្តរជាតិវិញមានសេចក្តីរាយការណ៍អំពីចំនួនគ្រោះធម្មជាតិ បានកើនឡើង ប៉ុន្តែការស្លាប់បានថយចុះនៅក្នុងរយៈពេល ៥០ឆ្នាំ មកនេះ៕
ព័ត៌មានពេលរាត្រី៖ ១៧ កញ្ញា ២០២១
ព័ត៌មានអំពីកម្ពុជាមានដូចជា លោក ហ៊ុន សែន ថា មិនមានការចរចានយោបាយ ហើយការពាររឿងលបចូលស្តាប់កិច្ចប្រជុំផ្ទៃក្នុងបក្សប្រឆាំង។ លោក ហ៊ុន សែន ថា សមត្ថកិច្ចកំពុងតាមចាប់ខ្លួនអ្នកវិភាគម្នាក់ ខណៈព្រមានអ្នកអត្ថាធិប្បាយនយោបាយលោក មាស នី។ លោក ហ៊ុន សែន ថា ការចាក់វ៉ាក់សាំងកូវីដ១៩ ដល់ក្មេងអាយុ៦ឆ្នាំឡើងទៅ «ជាការបោះជំហានមុន»។ តុលាការរាជធានីភ្នំពេញ ឃុំខ្លួនអតីតព្រះសង្ឃកម្ពុជាក្រោមមួយអង្គរឿងបំពាន។ រីឯព័ត៌មានអន្តរជាតិវិញមានដូចជា ក្រុមតាលីបង់ មិនបានច្រានចោលការធ្វើការបោះឆ្នោតនោះទេ។ ស្ថានទូតចិនប្រកាសប្រឆាំងការជ្រៀតជ្រែករបស់អាមេរិក និងអូស្ត្រាលី។ ការវាយតម្លៃរបស់អ.ស.ប.អំពីសិទ្ធិមនុស្សនៅប្រទេសចិន ជាវេទិកាសិទ្ធិមនុស្សសំខាន់។ អ្នកជំនាញនៅនីហ្សេរីយ៉ាមួយចំនួន ព្រមានពីឥទ្ធិពលកាន់តែខ្លាំងរបស់ចិនក្នុងវិស័យបច្ចេកវិទ្យាអាហ្វ្រិក។ ថវិកាចាយវាយរបស់តៃវ៉ាន់កើនឡើង គ្រាដែលប្រទេសចិនបង្កើនសកម្មភាពយោធា និងព័ត៌មានមួយចំនួនទៀត៕
