កម្មវិធីវិទ្យុ
ព័ត៌មានពេលព្រឹក៖ ១៧ វិច្ឆិកា ២០២១
ព័ត៌មានអំពីកម្ពុជាមាន ក្រុមសហជីព ស្វះស្វែងជួបរដ្ឋមន្ត្រីក្រសួងការងារដើម្បីដោះស្រាយវិវាទក្នុងវិស័យទេសចរណ៍។ សកម្មជនអំពាវនាវឲ្យតុលាការទម្លាក់បទចោទប្រកាន់ បន្ទាប់ពីត្រូវបានដោះលែង។ រីឯព័ត៌មានអន្តរជាតិវិញមាន ចំណុចសំខាន់ៗនៃជំនួបកំពូលរវាងលោកប្រធានាធិបតី Joe Biden និងលោក Xi Jinping។ របបយោធាមីយ៉ាន់ម៉ា ចោទប្រកាន់អ្នកស្រី Suu Kyi ពីបទបន្លំការបោះឆ្នោតក្នុងឆ្នាំ២០២០។ ការផ្ទុះនៅក្បែរអគារសភានិងស្ថានីយប៉ូលិសនៅប្រទេសអ៊ូហ្កង់ដា បណ្តាលឲ្យស្លាប់មនុស្សនិងរបួស។ ប្រទេសរុស្សី បដិសេធការចោទប្រកាន់ដែលថា មីស៊ីលប្រឆាំងផ្កាយរណបរបស់ខ្លួនគំរាមកំហែងដល់ស្ថានីយអវកាស។ ក្រុមហ៊ុនលក់ទំនិញសហរដ្ឋអាមេរិក ឈប់លក់ទំនិញរបស់ក្រុមហ៊ុនដែលជាប់ពាក់ព័ន្ធនឹងការបំពានសិទ្ធិមនុស្សនៅប្រទេសចិន៕
ព័ត៌មានពេលរាត្រី៖ ១៧ វិច្ឆិកា ២០២១
ព័ត៌មានអំពីកម្ពុជាមាន ការសម្រេចរបស់តុលាការលក់ស្នាក់ការកណ្តាលរបស់គណបក្សសង្គ្រោះជាតិ រងការរិះគន់ថា ជាការសងសឹកនយោបាយ។ ពលរដ្ឋខ្វែងគំនិតគ្នាលើច្បាប់កំណត់សញ្ញាតិខ្មែរតែមួយ ដោយខ្លះថា វាបម្រើប្រយោជន៍បុគ្គល។ ក្រុមសហជីព ស្វះស្វែងជួបរដ្ឋមន្ត្រីក្រសួងការងារដើម្បីដោះស្រាយវិវាទក្នុងវិស័យទេសចរណ៍។ តើវិស័យទេសចរណ៍តាមកោះនៅកម្ពុជា អាចវិលទៅរកស្ថានភាពមុនពេលមានវិបត្តិជំងឺកូវីដ១៩ វិញបានដែរឬទេ? រីឯព័ត៌មានអន្តរជាតិវិញមានដូចជា សហរដ្ឋអាមេរិកនិងចិនថា ជំនួបរបស់មេដឹកនាំប្រទេសទាំងពីរមានភាពប្រសើរទៅមុខ។ មេដឹកនាំសហរដ្ឋអាមេរិកនិងចិន បកស្រាយខុសៗគ្នាអំពីបញ្ហាកោះតៃវ៉ាន់។ សហរដ្ឋអាមេរិកគ្រោងទិញថ្នាំព្យាបាលជំងឺកូវីដ១៩ ពីក្រុមហ៊ុន Pfizer។ ក្រុមទាហានផ្តាច់ខ្លួនចេញពីយោធាមីយ៉ាន់ម៉ា បញ្ចុះបញ្ចូលក្រុមផ្តាច់ខ្លួនផ្សេងទៀតឱ្យរួមផ្តុំគ្នានិងព័ត៌មានផ្សេងៗទៀត៕
