កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា លោក សម រង្ស៉ី ថា ការចាប់សកម្មជនក្រុមជំទាស់បង្ហាញពីការភ័យខ្លាចការងើបប្រឆាំងនឹងរដ្ឋាភិបាល។ ចំនួនករណីឆ្លងកូវីដ១៩នៅកម្ពុជាឡើងដល់១២៨ រួមទាំងករណីរកឃើញថ្មី២ចុងក្រោយ។ ព័ត៌មានអន្តរជាតិវិញមាន ការស្លាប់របស់លោក George Floyd នាំឲ្យមានការអំពាវនាវឲ្យមានការតស៊ូមតិនៅអង្គការសហប្រជាជាតិ។ នាយករដ្ឋមន្រ្តីអូស្ត្រាលីព្រួយកង្វល់ពីការកាត់ទោសប្រហារជីវិតពលរដ្ឋរបស់ខ្លួននៅក្នុងប្រទេសចិន។ មន្ត្រីកុងស៊ុលឥណ្ឌាប្រចាំនៅប៉ាគីស្ថានពីរនាក់កំពុងបាត់ខ្លួន។ ហាងកាហ្វេនិងភោជនីយដ្ឋាននៅប្រទេសបារាំងបើកដំណើរការឡើងវិញ។ កូរ៉េខាងត្បូងជំរុញឲ្យកូរ៉េខាងជើងធ្វើទៅតាមកិច្ចព្រមព្រៀង នៅពេលដែលកើនឡើងនូវភាពតានតឹង៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា បុគ្គលិកកាស៊ីណូណាហ្គាវើលស្វះស្វែងរកប្រាក់ឧបត្ថម្ភពីរដ្ឋាភិបាលចំនួន ៤០ ដុល្លារក្នុងមួយខែ ដើម្បីជួយទប់ទល់នឹងជីវភាពប្រចាំថ្ងៃ ក្រោយកាស៊ីណូបានផ្អាកដំណើរការជាង ២ ខែមកនេះ។ ខណៈថៃរង់ចាំការផ្ទៀងផ្ទាត់ព័ត៌មានបាត់ខ្លួនសកម្មជនថៃនៅភ្នំពេញ ប៉ូលិសកម្ពុជាថា រថយន្តដែលថតបាននោះពាក់ស្លាកលេខក្លែងក្លាយ។ លោក សម រង្ស៊ី ថា ការចាប់សកម្មជនរបស់ខ្លួនបង្ហាញពីការភ័យខ្លាចចំពោះការងើបប្រឆាំងរដ្ឋាភិបាល។ ព័ត៌មានអន្តរជាតិវិញមាន នាយិការបស់ VOA លាលែងពីតំណែង។ និយតករសហរដ្ឋអាមេរិកឈប់ឲ្យប្រើឱសថព្យាបាលជំងឺគ្រុនចាញ់សម្រាប់ការព្យាបាលជំងឺកូវីដ១៩។ លោក Trump នឹងចុះហត្ថលេខាលើបទបញ្ជាអំពីការកែទម្រង់មួយចំនួនលើផ្នែកប៉ូលិស។ ក្រុមប្រឹក្សាសិទ្ធិមនុស្សអង្គការសហប្រជាជាតិនឹងបើកកិច្ចប្រជុំបន្ទាន់ផ្ដោតលើបញ្ហាជាតិសាសន៍នៅសហរដ្ឋអាមេរិក។ កូរ៉េខាងជើងកម្ទេចការិយាល័យទំនាក់ទំនងជាមួយកូរ៉េខាងត្បូង និងព័ត៌មានអន្តរជាតិសំខាន់ៗមួយចំនួនទៀត៕
