កម្មវិធីវិទ្យុ
ព័ត៌មានពេលព្រឹក៖ ១៦ វិច្ឆិកា ២០២១
ព័ត៌មានអំពីកម្ពុជាមាន គណបក្ស«ភ្លើងទៀន» កម្រើកសកម្មភាពឡើងវិញ មុនពេលធ្វើសមាជដ៏សំខាន់។ កម្ពុជា រិះគន់អាមេរិកធ្ងន់ៗថា មិនគោរពអធិបតេយ្យ ក្រោយនាយឧត្តមសេនីយ៍យោធាពីរនាក់រងទណ្ឌកម្ម។ រីឯព័ត៌មានអន្តរជាតិវិញមានដូចជា អ្នកកាសែតអាមេរិកាំងដែលត្រូវបានឃុំខ្លួននៅមីយ៉ាន់ម៉ាចាប់តាំងពីក្រោយថ្ងៃរដ្ឋប្រហារមក ត្រូវបានដោះលែង។ អាមេរិកនិងចិន ព្រមានគ្នាអំពីបញ្ហាកោះតៃវ៉ាន់មុនកិច្ចប្រជុំកំពូលរវាងលោក Biden និងលោក Xi។ ប្រធានាធិបតីហ្វីលីពីនលោក Duterte នឹងឈរឈ្មោះជាបេក្ខជនព្រឹទ្ធសភានៅក្នុងការបោះឆ្នោតឆ្នាំក្រោយ។ សកម្មជនប្រឆាំងក្នុងប្រទេសគុយបា គាំទ្រការដើរដង្ហែក្បួនពលរដ្ឋនៅថ្ងៃចន្ទ។ ប្រទេសប៉ាគីស្ថាន ចាប់ផ្តើមចាក់វ៉ាក់សាំងបង្ការជំងឺកញ្រ្ជិលនិងស្អូចដល់កុមាររាប់លាននាក់ និងព័ត៌មានផ្សេងទៀត៕
ព័ត៌មានពេលរាត្រី៖ ១៦ វិច្ឆិកា ២០២១
ព័ត៌មានអំពីកម្ពុជាមាន សកម្មជន អំពាវនាវឲ្យតុលាការទម្លាក់បទចោទប្រកាន់ បន្ទាប់ពីត្រូវបានដោះលែង។ ក្រុមសហជីព ស្វះស្វែងជួបរដ្ឋមន្ត្រីក្រសួងការងារដើម្បីដោះស្រាយវិវាទក្នុងវិស័យទេសចរណ៍។ ពលរដ្ឋកម្ពុជាជាបន្តបន្ទាប់រីករាយទទួលយកវ៉ាក់សាំងបង្ការកូវីដដូសទី៣ ខណៈពលរដ្ឋនៅប្រទេសជឿនលឿនខ្លះ ប្រឆាំងការចាក់វ៉ាក់សាំង។ រីឯព័ត៌មានអន្តរជាតិវិញមាន ចំណុចសំខាន់ៗនៃជំនួបរវាងលោកប្រធានាធិបតី Biden និងលោក Xi Jinping។ កង្វល់អំពីអតិផរណា អាចរារាំងរបៀបវារៈគម្រោងចំណាយរបស់លោក Biden។ ក្រសួងការពារជាតិអាមេរិកថា ឧទ្ធម្ភាគចក្រកងនាវាអ៊ីរ៉ង់បានហោះជិតនាវា USS Essex របស់សហរដ្ឋអាមេរិក។ គុយបា បង្ក្រាបអ្នករៀបចំការតវ៉ាមុនការដង្ហែក្បួនដែលគ្រោងធ្វើឡើង។ តើភាពជាដៃគូដែលចិនគ្រោងធ្វើជាមួយអាស៊ាន ជាជំហានសំខាន់សម្រាប់ចិននៅក្នុងជម្លោះសមុទ្រចិនខាងត្បូងមែនទេ? ក្រុមអង្គការសង្គមស៊ីវិល៖ ប៉ូលិសកេនយ៉ាជាប់ពាក់ព័ន្ធនៅក្នុងការសម្លាប់មនុស្សមួយចំនួន តែកងកម្លាំងសន្តិសុខបដិសេធការចោទប្រកាន់នេះ និងព័ត៌មានផ្សេងទៀត៕
