កម្មវិធីវិទ្យុ
ព័ត៌មានពេលព្រឹក៖ ១៤ សីហា ២០២១
ព័ត៌មានអំពីកម្ពុជាមានដូចជា ជនរងគ្រោះនៃរបបខ្មែរក្រហមស្នើសុំការគាំទ្រផ្នែកសុខភាព ខណៈសវនាការបណ្តឹងសាទុក្ខរឿងក្តីលោក ខៀវ សំផន ខិតមកដល់។ កូនប្រុសលោក ខៀវ សំផន ទទូចឲ្យតុលាការផ្តល់យុត្តិធម៌ដល់ឪពុក ខណៈសវនាការបណ្តឹងសាទុក្ខចាប់ផ្តើមនៅសប្តាហ៍ក្រោយ។ អាជ្ញាធរខណ្ឌមានជ័យបង្ខំអ្នកកាសែតឲ្យលុបចោលរូបភាពនៃការវាយកម្ទេចផ្ទះរបស់ពលរដ្ឋនៅបឹងទំពុន។ រីឯព័ត៌មានអន្តរជាតិវិញមាន នាង Sunisa Lee ជ័យលាភីមេដាយមាសអូឡាំពិកត្រូវទទួលស្វាគមន៍យ៉ាងមោទនភាពពេលមកផ្ទះវិញ៕
ព័ត៌មានពេលរាត្រី៖ ១៤ សីហា ២០២១
ព័ត៌មានអំពីកម្ពុជាមានដូចជា កម្ពុជាត្រៀមធ្វើជាប្រធានអាស៊ាន ដោយប្តេជ្ញាដោះស្រាយបញ្ហាក្រោមគោលការណ៍កុងសង់ស៊ីស និងមិនលម្អៀងទៅមហាអំណាច។ ត្រីគឺជាប្រភពអាហារូបត្ថម្ភមិនអាចខ្វះបានសម្រាប់កម្ពុជា គន្លឹះទប់ស្កាត់ការខ្វះអាហារូបត្ថម្ភនិងសន្តិសុខស្បៀងអាហារ។ ឪពុករបស់ Jordan Pisey Windle ថា អនាគតរបស់កីឡាករលោតទឹកអាមេរិកាំងដើមកំណើតខ្មែរវែងឆ្ងាយហួសពីការប្រកួតក្នុងកីឡាអូឡាំពិក។ រីឯព័ត៌មានអន្តរជាតិវិញមានដូចជា មូលហេតុដែលហ្វីលីពីនជ្រើសរើសយកអាមេរិកជាជាងចិន។ ឧត្តមស្នងការសិទ្ធិមនុស្សអំពាវនាវឱ្យមានការផ្លាស់ប្តូរសំខាន់ៗដើម្បីបញ្ចប់ការរើសអើងជាតិសាសន៍ជាប្រព័ន្ធដ៏ច្រើនជំនាន់។ មូលហេតុដែលចិនបង្កើតរូបិយប័ណ្ណឌីជីថលផ្ទាល់ខ្លួន៕
