កម្មវិធីវិទ្យុ
ព័ត៌មានពេលព្រឹក៖ ១៤ ធ្នូ ២០២១
ព័ត៌មានអំពីកម្ពុជាមាន កម្ពុជា ស្វាគមន៍ការប្តេជ្ញារបស់អាមេរិកនៅក្នុងការរក្សាសន្តិភាពតំបន់។ មេដឹកនាំកម្ពុជា សរសើរភាពសកម្មរបស់អ្នកកាសែតពេលមានវិបត្តិកូវីដ១៩ ខណៈសង្គមស៊ីវិលទាមទារឲ្យពង្រីកលំហសេរីភាព។ រីឯព័ត៌មានអន្តរជាតិវិញមាន សហរដ្ឋអាមេរិក នឹងប្រកាសទឹកប្រាក់ ១.២០០ លានដុល្លារនៅក្នុងការវិនិយោគឯកជនសម្រាប់ជួយតំបន់អាមេរិកកណ្តាល។ សកម្មជនប្រជាធិបតេយ្យក្រុងហុងកុងលោក Jimmy Lai ត្រូវបានកាត់ទោសឲ្យជាប់ពន្ធនាគារចំនួន១៣ខែ។ អាជ្ញាធរវៀតណាម ដាក់ពន្ធនាគារអតីតប្រធានគណៈកម្មាធិការទីក្រុងហាណូយ ចំនួន៨ឆ្នាំបន្ថែមទៀតពីបទរំលោភអំណាច។ លោក Biden ទទួលស្គាល់ភាពងាយរងគ្រោះប្រជាធិបតេយ្យរបស់សហរដ្ឋអាមេរិក ពេលបើកកិច្ចប្រជុំកំពូល។ អ្នកសេដ្ឋកិច្ច៖ វិធីសាស្ត្រវិនិយោគរបស់ចិននៅអាហ្វ្រិក ទទួលបានការគាំទ្រពីសាធារណជន និងព័ត៌មានផ្សេងៗទៀត៕
ព័ត៌មានពេលរាត្រី៖ ១៤ ធ្នូ ២០២១
ព័ត៌មានអំពីកម្ពុជាមាន តុលាការភ្នំពេញ កោះហៅលោក កឹម សុខា ឲ្យឡើងបន្តសវនាការនៅខែមករាខាងមុខនេះ។ សមត្ថកិច្ច បិទគេហទំព័រចំនួន៩ដែលបង្ហោះរូបភាព និងវីដេអូអាសអាភាសរបស់កុមារនៅកម្ពុជា។ អតីតសកម្មជនសហជីពម្នាក់បដិសេធថា ខ្លួនមិនជាប់ពាក់ព័ន្ធផែនការវិលត្រឡប់របស់លោក សម រង្ស៊ី ថ្ងៃទី៩វិច្ឆិកា ឆ្នាំ២០១៩ទេ។ ភាពតានតឹងរវាងកម្ពុជានិងអាមេរិកឡើងកម្ដៅ ចំពេលបេសកទូតអាមេរិកធ្វើទស្សនកិច្ចមកភ្នំពេញ។ រីឯព័ត៌មានអន្តរជាតិវិញមានដូចជា លោក Blinken ប្តេជ្ញាបង្កើនអំណាចយោធាសហរដ្ឋអាមេរិកក្នុងតំបន់ឥណ្ឌូប៉ាស៊ីហ្វិក។ ចក្រភពអង់គ្លេស ប្រកាសពីអ្នកស្លាប់ដំបូងដោយសារវីរុសកូរ៉ូណាបំប្លែងខ្លួនអូមីក្រុង។ អភិបាលរដ្ឋ Kentucky ថា ចំនួនមនុស្សស្លាប់ដោយខ្យល់គួច Tornado នៅត្រឹមចំនួន ៦៤នាក់នៅឡើយ ប៉ុន្តែចំនួនស្លាប់នេះ ទំនងនឹងកើនឡើងទៀត។ សិទ្ធិមនុស្សរងការវាយប្រហារ នៅពេលវិបត្តិសាកលលោករីកសាយភាយ និងព័ត៌មានផ្សេងៗទៀត៕
