កម្មវិធីវិទ្យុ
ព័ត៌មានពេលព្រឹក៖ ១២ ធ្នូ ២០២០
ព័ត៌មានអំពីកម្ពុជាមានដូចជា ប៉ូលិសថាមានការបន្លំបង្កើតក្រុមTelegramយកឈ្មោះអគ្គស្នងការនគរបាលជាតិមកប្រើ។ អ្នកជំនួញចិនស្តុកស្តម្ភដែលធ្លាប់ជួបជាមួយមន្រ្តីជាន់ខ្ពស់កម្ពុជារងទណ្ឌកម្មសហរដ្ឋអាមេរិក។ ព័ត៌មានអន្តរជាតិវិញមានដូចជា ពេលវេលាកាន់តែខិតជិតមកដល់សម្រាប់ការសម្រេចរបស់សហរដ្ឋអាមេរិកអំពីវ៉ាក់សាំងកូវីដ១៩។ មេដឹកនាំសហភាពអឺរ៉ុបយល់ព្រមកាត់បន្ថយការបំភាយឧស្ម័នបន្ទាប់ពីកិច្ចពិភាក្សាពេញមួយយប់។ វិទ្យាស្ថានStimsonនឹងចាប់ផ្តើមគម្រោងតាមដានការសាងសង់ទំនប់វារីអគ្គិសនីលើទន្លេមេគង្គ។ សហរដ្ឋអាមេរិកបញ្ជូនយន្តហោះទម្លាក់គ្រាប់បែកទៅមជ្ឈិមបូព៌ាជាសញ្ញាព្រមានអ៊ីរ៉ង់។ សហរដ្ឋអាមេរិកកាត់ទោសប្រហារជីវិតបុរសម្នាក់ក្រោយពីតុលាការកំពូលបដិសេធ។ មហាសេដ្ឋីសារព័ត៌មានហុងកុងលោកJimmy Laiត្រូវបានចោទប្រកាន់ក្រោមច្បាប់សន្តិសុខ។ កសិករឥណ្ឌាដែលខឹងនឹងច្បាប់ថ្មីបានដើរតវ៉ាតាមដងផ្លូវ៕
ព័ត៌មានពេលរាត្រី៖ ១២ ធ្នូ ២០២០
ព័ត៌មានអំពីកម្ពុជាមានដូចជា ខ្មែរអាមេរិកាំងខ្លះរារែកចាក់វ៉ាក់សាំងកូវីដ១៩ ទោះរដ្ឋាភិបាលចែកឲ្យប្រើពេលខាងមុខក្តី។ ភាគទី៤ នៃកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ស្តីអំពី «អត្តសញ្ញាណបុគ្គលនិងអត្តសញ្ញាណជាតិកម្ពុជា»។ ព័ត៌មានអន្តរជាតិវិញមានដូចជា លោកប្រធានាធិបតី Trump បានធ្វើការលើកលែងនិងបន្ធូរបន្ថយទោសតិចជាងប្រធានាធិបតីមុនៗ។ អង្គការសហប្រជាជាតិ៖ ការបញ្ជូនជនជាតិរ៉ូហ៊ីងយ៉ាទៅកោះដាច់ស្រយ៉ាលត្រូវតែបញ្ឈប់។ កែវយឹតអូស្រ្តាលីរកឃើញកាឡាក់ស៊ីថ្មីចំនួន១លាន៕
