កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា លោក ហ៊ុន ម៉ាណែត ប្រាប់កងទ័ពឲ្យមាន«ម្ចាស់ការ» ហើយព្រមានអ្នករិះគន់មិនឲ្យបំផ្លាញសន្តិភាព។ រីឯព័ត៌មានអន្តរជាតិវិញមានដូចជា ចិននិងអាមេរិកប្រជែងគ្នាក្នុងសប្តាហ៍នេះ ដើម្បីទទួលការគាំទ្រពីមេដឹកនាំអាស៊ានដែលមានការប្រុងប្រយ័ត្ន។ សហរដ្ឋអាមេរិកថានឹងកាត់បន្ថយទ័ពនៅអាហ្វហ្គានីស្ថានមកត្រឹម៤.៥០០ នាក់។ អាមេរិកដកហូតទិដ្ឋការរបស់និស្សិតចិនជាង ១.០០០ នាក់ ព្រោះពួកគេត្រូវជាប់សង្ស័យថាមានទំនាក់ទំនងជាមួយយោធាចិន។ ប្រទេសចិន និងប្រទេសជាច្រើនទៀតនឹងចូលរួមក្នុងសមយុទ្ធយោធានៅក្នុងប្រទេសរុស្ស៊ីចាប់ពីថ្ងៃទី២១ ដល់ ២៦ខែកញ្ញា។ សៀវភៅថ្មីមួយរៀបរាប់ថា លោក Trump ដឹងមុនពីគ្រោះថ្នាក់នៃវីរុសកូរ៉ូណា តែមើលស្រាលវីរុសនេះដោយចេតនា។ អគ្គីភ័យដ៏ធំឆាបឆេះនៅកំពង់ផែរដ្ឋធានីលីបង់ មួយខែបន្ទាប់ពីការផ្ទុះដ៏ប្រល័យ និងព័ត៌មានអន្តរជាតិផ្សេងទៀត៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា កម្ពុជាព្យាបាលអ្នកជំងឺកូវីដ១៩ជាសះស្បើយទាំងអស់ ប៉ុន្តែបន្តអំពាវនាវឲ្យប្រុងប្រយ័ត្នខ្ពស់។ សហភាពអឺរ៉ុបបង្ហាញក្ដី«បារម្ភកម្រិតធ្ងន់ធ្ងរ»អំពីការបង្ក្រាបថ្មីៗបន្ថែមទៀតនៅកម្ពុជា។ ១២ឆ្នាំក្រោយពីការទន្រ្ទានរបស់កងទ័ពថៃ ប្រាសាទព្រះវិហារទទួលរងឥទ្ធិពល ដោយជំងឺកូវីដ១៩។ រីឯព័ត៌មានអន្តរជាតិវិញមានដូចជា សហរដ្ឋអាមេរិកដាក់ទណ្ឌកម្មមនុស្ស៤នាក់ដែលជាប់ទាក់ទិនក្នុងការជ្រៀតជ្រែករបស់រុស្ស៊ីក្នុងការបោះឆ្នោតប្រធានាធិបតីអាមេរិកនៅខែវិច្ឆិកា។ ការចរចាសន្តិភាពអាហ្វហ្គានីស្ថានដែលសម្របសម្រួលដោយសហរដ្ឋអាមេរិកចាប់ផ្តើមនៅថ្ងៃសៅរ៍។ ជំងឺកូវីដ១៩ បានឆ្លងកាន់តែឆាប់រហ័សក្នុងចំណោមយុវជនក្មេងៗ។ លោកប្រធានាធិបតី Trump ពោលអះអាងអំពីគ្រោះថ្នាក់នៃជំងឺកូវីដ១៩ដោយថ្លែងថា «ខ្ញុំមិនបានកុហកទេ»។ មនុស្ស៥សែនបានរត់ចេញពីភ្លើងឆេះព្រៃនៅរដ្ឋ Oregon សហរដ្ឋអាមេរិក។ ទឹកជំនន់នៅក្នុងប្រទេសនិងការតានតឹងនៅបរទេសបង្កើនការព្រួយកង្វល់ពីសន្តិសុខម្ហូបអាហារក្នុងប្រទេសចិននិងព័ត៌មានអន្តរជាតិដទៃទៀត៕
