កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា ទណ្ឌកម្ម EBA លើទំនិញកម្ពុជានឹងចូលជាធរមានដោយគ្មានការកែប្រែ។ ព័ត៌មានអន្តរជាតិមានដូចជា សេតវិមាន និងគណបក្សប្រជាធិបតេយ្យខ្វែងគំនិតគ្នារឿងបទបញ្ជានីតិប្រតិបត្តិរបស់លោក Trump។ អាជ្ញាធរប្រកាសភ្លាមៗថា ការតវ៉ានៅអគារសហជីពប៉ូលិសក្នុងទីក្រុង Portland គឺជាកុបកម្ម។ បណ្ដារដ្ឋមន្ត្រី និងសមាជិកសភាលីបង់លាលែងពីតំណែង ក្រោយហេតុការណ៍ផ្ទុះនៅរដ្ឋធានីបេរូត។ ប្រធានាធិបតីបេឡារូសត្រូវបានប្រកាសថាឈ្នះការបោះឆ្នោតប្រធានាធិបតីសម្រាប់អាណត្តិទី៦។ WHO ថា «ជីវិតទាំងអស់ដែលបាត់បង់មានតម្លៃ» គ្រាដែលចំនួនអ្នកស្លាប់ដោយសារជំងឺកូវីដ១៩ ក្នុងពិភពលោកកើនដល់ជិត ៧ សែន ៥ ម៉ឺននាក់។ ភ្នំភ្លើង Sinabung នៅឥណ្ឌូណេស៊ី ផ្ទុះឡើងជាលើកទីពីរក្នុងរយៈពេលបីថ្ងៃ។ គ្រោះរញ្ជួយដីកម្រិត ៥,១ បានកើតឡើងនៅរដ្ឋ North Carolina សហរដ្ឋអាមេរិក៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា មន្ត្រីនគរបាលជាស្ត្រី បឹ្តងស្នងការខេត្តកំពង់ធំ ចោទប្រកាន់រឿងបៀតបៀនផ្លូវភេទ។ ការផ្លាស់ប្តូររបបទឹកទន្លេសាប នាំឲ្យពលរដ្ឋកាន់តែព្រួយបារម្ភអំពីផលនេសាទធ្លាក់ចុះ។ អតីតកម្មាភិបាលខ្មែរក្រហមរីករាយនឹងការបញ្ចប់រឿងក្តី។ ព័ត៌មានអន្តរជាតិមានដូចជា ប្រធានាធិបតីសហរដ្ឋអាមេរិក លោក ដូណាល់ ត្រាំ ត្រូវបានគេអមភ្លាមៗចេញពីសន្និសីទកាសែតនៅសេតវិមាន បន្ទាប់ពីមានការបាញ់កាំភ្លើងនៅក្បែរនោះ។ លោកប្រធានាធិបតី ដូណាល់ ត្រាំ ថា សុន្ទរកថាទទួលការតែងតាំងជាបេក្ខជនប្រធានាធិបតីរបស់គណបក្សទំនងធ្វើនៅសេតវិមាន ឬក្រុង Gettysburg។ អ្នកការទូតកំពូលសហរដ្ឋអាមេរិកធ្វើដំណើរទៅកាន់តំបន់អឺរ៉ុបកណ្តាលនៅពេលដែលសហរដ្ឋអាមេរិក ព្យាយាមប្រឈមនឹងប្រទេសរុស្ស៊ី និងឥទ្ធិពលរបស់ចិន។ លោកស្រី Tsikhanouskaya បេក្ខជនប្រធានាធិបតីគណបក្សប្រឆាំងនៃប្រទេស Belarus រត់គេចខ្លួនទៅកាន់ប្រទេស Lithuania។ សេតវិមានបើកឲ្យមានកិច្ចពិភាក្សាបន្ថែមស្តីអំពីជំនួយកូវីដ១៩។ សារព័ត៌មានហុងកុងដែលនិពន្ធនាយកត្រូវចាប់ខ្លួនសច្ចាថា នឹងបន្តប្រឆាំងតវ៉ា។ ប្រទេសកូរ៉េខាងជើងបន្តប្រឈមនឹងកម្រិតទឹកភ្លៀងខ្ពស់ជាប្រវត្តិសាស្ត្រ និងព័ត៌មានអន្តរជាតិសំខាន់ៗមួយចំនួនទៀត៕
