កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា ផលិតករភាពយន្ដប្រារព្ធមហោស្រពភាពយន្ដក្រុងខ្មែរលើកទី៨ នៅអាមេរិកតាមអនឡាញ អំឡុងពេលមានជំងឺកូវីដ១៩។ រដ្ឋាភិបាលកម្ពុជាប្រតិកម្មនឹងលោកស្រី រ៉ូណា ស្មីត ឲ្យគោរពគោលការណ៍ក្រមសីលធម៌។ ក្រុមការពារសិទ្ធិស្ត្រីអំពាវនាវឲ្យផ្ដន្ទាទោសអតីតស្នងការខេត្តកំពង់ធំរឿងការបៀតបៀនផ្លូវភេទ។ព័ត៌មានអន្តរជាតិវិញមានដូចជា ចិននិងអាមេរិក ប្រជែងគ្នាក្នុងសប្តាហ៍នេះ ដើម្បីទទួលការគាំទ្រពីមេដឹកនាំប្រទេសអាស៊ានដែលមានការប្រុងប្រយ័ត្ន។ អាជ្ញាធរអាមេរិកត្រៀមហាមប្រាមការនាំចូលផលិតផលកប្បាស និងប៉េងប៉ោះពីខេត្ត Xinjiang របស់ចិន។ ការសាកល្បងវ៉ាក់សាំងបង្ការជំងឺកូវីដ១៩ របស់ក្រុមហ៊ុន AstraZeneca ត្រូវបានផ្អាកបន្ទាប់ពីអ្នកទទួលវ៉ាក់សាំងសាកល្បងម្នាក់ធ្លាក់ខ្លូនឈឺ។ ថៃធ្វើតេស្តមនុស្សជិត៦០០នាក់ ពាក់ព័ន្ធនិងករណីអ្នកឆ្លងវីរុសកូរ៉ូណាម្នាក់ដែលមិនដឹងមូលហេតុឆ្លងពិតប្រាកដ។ ពិធីជប់លៀងក្នុងមង្គលការមួយក្នុងរដ្ឋ Maine បានបណ្តាលឲ្យមានអ្នកឆ្លងជំងឺកូវីដ១៩ ចំនួន១៦០ករណី៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា លោក ហ៊ុន ម៉ាណែត ប្រាប់កងទ័ពឲ្យមាន«ម្ចាស់ការ» ហើយព្រមានអ្នករិះគន់មិនឲ្យបំផ្លាញសន្តិភាព។ ប្រាក់ខែកម្មករកាត់ដេរឡើង២ ដុល្លារ ខណៈជំហររោងចក្រចង់ឲ្យបន្ថយ។ អង្គការសិទ្ធិមនុស្សអំពាវនាវឲ្យកម្ពុជាដោះលែងសកម្មជនជាង១០នាក់ ដែលត្រូវបានចាប់ខ្លួន។ នៅក្នុងកម្មវិធី Hello VOA ថ្ងៃនេះ មានការពិភាក្សាជាមួយវាគ្មិនលោក ប៉ិច ពិសី អំពី «កំណែទម្រង់អំពើពុករលួយក្នុងវិស័យតុលាការនិងបរិយាកាសវិនិយោគនៅកម្ពុជាក្នុងគ្រាកូវីដ១៩»។ រីឯព័ត៌មានអន្តរជាតិវិញមានដូចជា រដ្ឋមន្ត្រីការបរទេសអាមេរិកជំរុញអាស៊ានឲ្យផ្តាច់ទំនាក់ទំនងជាមួយក្រុមហ៊ុនចិនដែលសង់កោះក្នុងសមុទ្រចិនខាងត្បូង។ លោក Joe Biden បង្ហាញគម្រោងរក្សាការពារការងារឲ្យស្ថិតនៅក្នុងសហរដ្ឋអាមេរិក និងព័ត៌មានអន្តរជាតិផ្សេងទៀត៕
