កម្មវិធីវិទ្យុ
ព័ត៌មានពេលព្រឹក៖ ១០ មិថុនា ២០២១
ព័ត៌មានអំពីកម្ពុជាមានដូចជា កម្ពុជាការពារអាជីវកម្មបូមប្រេង គ្រាក្រុមហ៊ុនរុករកប្រេង KrisEnergy ប្រកាសបិទក្រុមហ៊ុន។ រដ្ឋមន្ត្រីការពារជាតិកម្ពុជាលើកឡើងពីផលចំណេញភូមិសាស្រ្តនយោបាយលើការចោទប្រកាន់មូលដ្ឋានទ័ពចិននៅរាម។ រីឯព័ត៌មានអន្តរជាតិវិញមានដូចជា ក្រុមបុគ្គលិកអ្នកដោះមីន១០នាក់ ត្រូវបានខ្មាន់កាំភ្លើងបាញ់សម្លាប់នៅក្នុងប្រទេសអាហ្វហ្គានីស្ថាន។ ព្រឹទ្ធសភាអាមេរិកអនុម័តសេចក្តីព្រាងច្បាប់ដើម្បីទប់ទល់នឹងការគំរាមកំហែងបច្ចេកវិទ្យាចិន។ មន្ត្រីសិទ្ធិមនុស្សអង្គការសហប្រជាជាតិព្រមានពីការបាត់បង់ជីវិតមនុស្សយ៉ាងច្រើនដោយគ្រោះទុរភិក្សក្នុងខេត្តភាគខាងកើតក្នុងប្រទេសមីយ៉ាន់ម៉ា។ តុលាការរុស្ស៊ីកំពុងពិចារណាដាក់បម្រាមលើអង្គការដែលបង្កើតដោយមេដឹកនាំបក្សប្រឆាំង។ សហភាពអឺរ៉ុបកំពុងសម្លឹងទៅមើលវឌ្ឍនភាពខាងពាណិជ្ជកម្ម ក្នុងអំឡុងពេលនៃដំណើរបំពេញទស្សនកិច្ចរបស់លោក Biden និងព័ត៌មានអន្តរជាតិមួយចំនួនទៀត៕
ព័ត៌មានពេលរាត្រី៖ ១០ មិថុនា ២០២១
ព័ត៌មានសំខាន់ៗអំពីកម្ពុជាមានដូចជា អាជ្ញាធរអាមេរិកប្រគល់រូបបដិមាបុរាណចំនួន២៧ជូនកម្ពុជាវិញ។ មន្ត្រីកម្ពុជាថា ការបូមប្រេងរបស់ក្រុមហ៊ុន KrisEnergy នៅប្លុក A ត្រូវផ្អាក ក្រោយក្រុមហ៊ុនមេប្រកាសក្ស័យធន។ ខេត្តជុំវិញភ្នំពេញក៏មិនអនុញ្ញាតឲ្យទូកនិងផ្ទះបណ្តែតទឹកចល័តទៅសំចតដែរ។ ស្ថិតិផ្លូវការបង្ហាញថា កូវីដផ្ដាច់ជីវិតមនុស្ស៣០០នាក់ហើយនៅកម្ពុជា។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «ការចូលរួមរបស់យុវជនក្នុងការទប់ស្កាត់ការបំផ្លាញព្រៃឈើទាំងស្រុងនៅកម្ពុជា»។ រីឯព័ត៌មានអន្តរជាតិវិញមានដូចជា លោក Biden ធ្វើដំណើរទៅចក្រភពអង់គ្លេសដើម្បីជួបជាមួយសម្ព័ន្ធមិត្តនិងលោក Putin។ អ្នកស្រី Aung San Suu Kyi ប្រឈមការចោទប្រកាន់ថ្មីពីបទពុករលួយ។ តុលាការយោធាមីយ៉ាន់ម៉ាសម្រេចកាត់ទោសមនុស្សជាង២០នាក់ដាក់ពន្ធនាគារ២០ឆ្នាំចំពោះការដុតបំផ្លាញរោងចក្រដែលមានទំនាក់ទំនងជាមួយចិន។ ពាណិជ្ជកម្មគ្រឿងញៀនសំយោគពង្រីកកាន់តែធំនៅពេលជំងឺកូវីដ១៩រាតត្បាត។ ក្រសួងការពារជាតិអាមេរិកខិតខំប្រឹងប្រែងដោះស្រាយបញ្ហាប្រឈមជាមួយចិន។ មានមនុស្សស្លាប់១១នាក់បន្ទាប់ពីការបាក់រលំអគារនៅទីក្រុង Mumbai នៃប្រទេសឥណ្ឌា៕
