កម្មវិធីវិទ្យុ
ព័ត៌មានពេលព្រឹក៖ ១០ ធ្នូ ២០២១
ព័ត៌មានអំពីកម្ពុជាមាន ផែនការចលនាសង្គ្រោះជាតិឲ្យផ្តួលរដ្ឋាភិបាលទីក្រុងភ្នំពេញ គ្របដណ្តប់សវនាការសកម្មជនបក្សជំទាស់។ លោក ហ៊ុន សែន ព្រមានហាមឃាត់ចូលប្រទេសកម្ពុជាដូចគ្នា បើសេចក្តីព្រាងច្បាប់ទណ្ឌកម្មលើ«លទ្ធិប្រជាធិបតេយ្យ»របស់អាមេរិក ត្រូវអនុម័ត។ រដ្ឋាភិបាលរៀបចំសេចក្តីព្រាងច្បាប់សាសនា កំហិតសេរីភាពព្រះសង្ឃធ្វើបាតុកម្ម។ រីឯព័ត៌មានអន្តរជាតិវិញមានដូចជា តុលាការម៉ាឡាវី ច្រានចោលការជំទាស់នឹងលទ្ធផលបោះឆ្នោតប្រធានាធិបតី៕
ព័ត៌មានពេលរាត្រី៖ ១០ ធ្នូ ២០២១
ព័ត៌មានអំពីកម្ពុជាមាន ក្រុមសិទ្ធិមនុស្សនិងសកម្មជនសិទ្ធិមនុស្សកម្ពុជា ទាមទារឲ្យស្តារស្ថានភាពសិទ្ធិមនុស្ស និងទម្លាក់ចោលការចោទប្រកាន់លើពួកគេ។ «គណបក្សកម្ពុជានិយម»ដែលទើបបង្កើតថ្មី ប្រកាសចាប់ផ្តើមសកម្មភាពជាមួយគោលការណ៍គោរពសិទ្ធិមនុស្ស។ រដ្ឋាភិបាល ឈប់ផ្តល់អាជ្ញាបណ្ណដល់គ្រឹះស្ថានមីក្រូហិរញ្ញវត្ថុទទួលបញ្ញើ។ រីឯព័ត៌មានអន្តរជាតិវិញមាន ក្នុងរដ្ឋមួយក្នុងប៉ែកខាងជើងប្រទេសឥណ្ឌា ពួកនារីចង់ដំឡើងអាយុរៀបការតាមច្បាប់។ សន្និសីទកំពូលរបស់លោក Bidenអំពីលទ្ធិប្រជាធិបតេយ្យ នាំឱ្យក្រុមអ្នកកាន់អំណាចផ្តាច់ការខឹងសម្បារ។ អំបូរសត្វនិងរុក្ខជាតិដែលមានប្រភពនៅអូស្ត្រាលី កំពុងរងការគំរាមកំហែងពីសត្វមកពីក្រៅប្រទេស។ ឡាវសម្ពោធផ្លូវរទេះភ្លើងភ្ជាប់ទៅកាន់ប្រទេសចិន ខណៈបំណុលជំពាក់ចិនកើនឡើង។ តុលាការម៉ាឡាវី ច្រានចោលការជំទាស់នឹងលទ្ធផលបោះឆ្នោតប្រធានាធិបតី៕
